ب : مخابن گه‌له‌ك زه‌لام ڤی مافی ده‌نه خۆ، فه‌رمانا ژنا خۆ دكه‌ن ل گه‌ل وی یان ل گه‌ل وێ نه ئاخڤن ئه‌وێ ئه‌و ل گه‌ل نه ئاخڤیت و ژێ سل، و گه‌له‌ك جاران فه‌رمانا ژنا خۆ دكه‌ت ل گه‌ل دایك و باب و خویشكیت وی نه ئاخڤیت، چونكی ئه‌و ل گه‌ل وان نا ئاخڤیت، و گه‌فان ل ژنا خۆ دكه‌ت و ل به‌ر سینگێ وی رێزدكه‌ت، هه‌كه گوهێ خۆ نه‌دایێ، و ل گه‌ل وان ئاخفت.
ب راستی زه‌لامی ئه‌ڤ مافه نینه، و شه‌ریعه‌تی دبنیرا ئه‌ڤ ماف نه دایێ، و هه‌كه وه‌كر یێ گونه‌هكاره، و ل سه‌ر ژنی نینه گوهێ خۆ ب ده‌ته زه‌لامی؛ چونكی پێغه‌مبه‌ر سلاڤیت خودێ ل سه‌ربن دبیژیت: (لا طاعة لمخلوق فی معصیه الخالق) گوهداریا چ چێكریان ناهێته كرن، هه‌ڤژین بیت كی بیت د نه‌گوهداریا خودێدا، ونابیت ئه‌و ژ كه‌سی سل ببیت سێ رۆژان پێڤه‌تر، هه‌تا فه‌رمانا غه‌یری خۆ ب سلبوونێ بكه‌ت، پێغه‌مبه‌ر سلاڤێت خودێ ل سه‌ربن دبێژیت: (ولا يَحِلُّ لِمُسْلِمٍ أنْ يهْجُرَ أخَاه فَوقَ ثلاثٍ) نه‌دورسته بۆ چۆ موسلمانان ژ سێ رۆژان زێده‌تر ژ برایێ خۆ سل ببیت. و یێت دمیننه ل سه‌ر سلبوونا خۆ گونه‌ھکارن، و خۆ ژ خێره‌کا مه‌زن زڕباردکه‌ن، ئه‌و ژی گونه‌ھێت وان ل سه‌ر ستویردبن ناھێنه ژێبرن، ھه‌تا دگه‌لێک نه‌ئاخڤن و ژ ئێک و دوو ئاشت ببن، ئیمام موسلم خودێ ژێ رازی بیت ژ ئه‌بی ھوره‌یره خودێ ژێ رازی بیت ڤه‌دگێریت دبێژیت: پێغه‌مبه‌رێ خودێ سلاڤێت خودێ ل سه‌ربن دبێژیت: (تُفْتَحُ أبْوابُ الجَنَّةِ يَوْمَ الاثنَيْنِ ويَوْمَ الخَمِيس، فَيُغْفَرُ لِكُلِّ عبْدٍ لا يُشْرِكُ بِاللَّهِ شَيئاً، إلاَّ رجُلاً كانَت بيْنهُ وبَيْنَ أخيهِ شَحْناءُ فيقالُ: أنْظِرُوا هذيْنِ حتَّى يصطَلِحا، أنْظِرُوا هذَيْنِ حتَّى يَصطَلِحا) ده‌رگه‌ھێت به‌حه‌شتێ رۆژا دووشه‌مبێ و پێنج شه‌مبێ دھێنه ڤه‌کرن، ڤێجا گونه‌ھێت ھه‌ر به‌نده‌یه‌کێ ھه‌بیت چو شریک بۆ خودێ نه‌چێکربن دھێنه ژێبرن، مرۆڤه‌ک نه‌بیت ئه‌و و برایێ خۆ (یان خویشکا خۆ) ژێک سل بن، دێ بێژیت: ڤان ھه‌ردووکان بھێلن ھه‌تا ژێک ئاشت دبن، ڤان ھه‌ردووکان بھێلن ھه‌تا ژێک ئاشت دبن.
