ب / هەر جلكێ لەشێ ژنێ ڤەشێريت يآ شەرعيە، بەلێ دڤێت هندە مەرج و شەرت تێدا هەبن، ئێك ژ وان: يێ فرەه بيت و تەنگ نەبيت و لەشێ ژنێ هەميێ بگريت و يێ رۆن نەبيت لەشێ ژنێ تێرا بێتە ديتن، ڤێجا هەر جلكێ هەبيت ـ ناڤێ وى چ بيت ـ ئەڤ مەرجە تێدا هەبن جلكەكێ شەرعيە و دورستە ژن بكەتێ. ژ ئەڤا مە گۆتى ديار دبيت ژن تەرەكسوتێ تەنگ دەف زەلامان بكەتێ نەدورستە و حەرامە، چونكى هەر جلكێ تەنگ نابيت ژن دەف زەلامان بكەتە بەر خۆ، بەلێ دورستە ئەو ناف مالێ هەكە كەسێ بيانى ل وێرێ نەبيت بكەتە بەر خۆ، و مامۆستايا وەرزشى دڤێت تەقوا خودێ بكەت و ژ خودێ بترسيت هەكە ديت جهێ كێرهاتيە و دگونجيت كچ تەرەكسوتان بكەنێ و ب وەرزشا خۆ رابن بلا ل سەر وان بدانيت تەرەكسوتان بكەنێ ئەو ژى ب مەرجەكى مامۆستايا وان ژن بيت، هەكە نە.. ئەو مامۆستايە گونەهكارە و ئەڤە رۆژا قيامەتێ بەرەڤانيێ بۆ ناكەت بێژيت: ئەز فەرمانبەر بووم و ئەزا فەرمانكرى بووم، و خودێ چێتر دزانيت.
