ب / بەلێ دورستە ژن سەرێ خۆ كورتكەت ب مەرجەكى هند كورت نەكەت وەكى يێ زەلامى لێ بهێت، هەكە وەكر يا گونەهكارە، چونكى پێغەمبەرێ خۆشتڤى (سلاڤێت خودێ لێ بن) لەعنەتێت ل وێ ژنێ كرين ئەوا خۆ وەكى زەلامان لێ دكەت. دبێژيت: (لَعَنَ الْمُتَشَبِّهِينَ من الرجَالِ بِالنِّسَاءِ وَلَعَنَ الْمُتَشَبِّهَاتِ من النِّسَاءِ بِالرجَالِ) لەعنەت ل وان زەلامان بن ئەوێت خۆ وەكى ژنان لێ دكەن و لەعنەت ل وان ژنان بن ئەوێت خۆ وەكى زەلامان لێ دكەن. و مەرجێ دووێ مەخسەدا وێ ئەو نەبيت چاڤلێكرنا ئێكا گونەهكار بكەت چ زارڤەكەر بيت يان هونەرمەند و سترانبێژ بيت، هەكە وەكر هنگى كار و كريار ب ئنيەتانە و هەرێكێ خودێ دێ ل دويف ئنيەتا وى دەتێ، و دبيت رۆژا قيامەتێ دگەل وێ بێتە مەحشەرێ ئەوا وێ چاڤ ل وێ كرى، چونكى پێغەمبەرێ خۆشتڤى (سلاڤێت خودێ لێ بن) دبێژيت: ( المرء مع من أحب) مرۆڤ رۆژا قيامەتێ يێ دگەل وى يێ حەژێ دكەت. مەرجێ سيێ مەخسەدا وێ ئەو نەبيت كورتكەت دا بەردەتە سەر ملێت خۆ و خۆ سەركۆل بكەت، هەكە وەكر يا گونەهكارە، چونكى خودێ مەزن ئەمرێ وێ يێ كرى ئەو پرچا خۆ ڤەشێريت و نابيت ئەو سەرێ خۆ بەردەتەڤە، خودێ مەزن دبێژيت : ((وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ)) و بێژە ژنێت خودان باوەران بلا چاڤێت خۆ ژ بەرێخۆدانا نەدورست و حەرام وەرگێرن، و بلا دەهمەن و نامويسا خۆ بپارێزن، و بلا جهێ خەمل و چەكێت خۆ كو جهێ بازن و حنجۆل (خلخال) و گوهار و رستكێت حەفكێ و رستكێت دكەڤنە سەر سينگى و تۆقا سەرى دەرنەئێخن، و ديارنەكەن بۆ بيانيان، ژبلى جهێ دياربوونا، وێ ب ڤێ نەڤێ، و بێى ئنيەتا خراب وەكى هەردوو دەست و سەروچاڤان و گوستيرك و كلێ چاڤان، و بلا دەرسۆكا خۆ ب سەر سينگێ خۆدا بەردەن، بلا دەرسۆكا وان، پرچ و ستۆ و سينگێ وان، ژ بيانيان ڤەشێريت، و بلا جهێ خەملا خۆ ژبلى هەردوو دەست و سەروچاڤان و جوانيا خۆ يا سينگى و پرچێ و لنگان، بۆ كەسێ ديار نەكەن، ژبلى بۆ زەلامێت خۆ يان بابێت خۆ يان خەزويرێت خۆ يان زارۆكێت خۆ يان نەڤيێت خۆ يان زارۆكێت زەلامێت خۆ، ئانكو: نەڤسيێت خۆ يان برايێت خۆ يان برازايێت خۆ يان خوارزايێت خۆ يان ژنێت دگەل خۆ بۆ خزمەتێ يان هەڤالينيێ يان جاريێت خۆ، يان ئەو زەلامێت تێكەليا وان دكەن ئەوێت هەوجەيى ب ژنان نەمايى وەكى خولام و پالە و ساويلكەيان، يان بچويكێت چو ژ شەهوەتێ نەزانن، و ب سەر شەرمگەها ژنان هەلنەبووين، و بلا پێت خۆ ل عەردى نەدەن، دا چەكێ خۆ يێ ڤەشارتى حنجۆلێت پيان ئاشكەرا بكەن، و هوين هەمى گەلى خودان باوەران تۆبە بكەن، دا سەرفەراز ببن، و خودێ چێتر دزانيت.
