ب / هەكە ژن د ناف كۆما ژنانادا بيت و يێت بيانى نەبينن چو گۆمان تێدا نينە دورستە چ كچ بيت چ يا شويكرى بيت، بەلێ پسيار ئەڤەيە: دورستە كچ يان ژن چاڤێ خۆ كلدەت و دەركەڤيت و زەلامێت بيانى وێ ببينن يا چاڤكلدايە، دڤێت ئەم بزانين ژنێ هندە جهێت خەملاندنێ يێت هەين نابيت ئەو دەربێخيت و كەس ببينيت ئەو نە بن يێت خودێ مەزن د سۆرەتا نووردا دەمێ دبێژيت: ((وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُون)) و بێژە ژنێت خودان باوەران بلا چاڤێت خۆ ژ بەرێخۆدانا نەدورست و حەرام وەرگێرن، و بلا دەهمەن و نامويسا خۆ بپارێزن، و بلا جهێ خەمل و چەكێت خۆ كو جهێ بازن و حنجۆل (خلخال) و گوهار و رستكێت حەفكێ و رستكێت دكەڤنە سەر سينگى و تۆقا سەرى دەرنەئێخن، و بۆ بيانيان ديارنەكەن، ژبلى جهێ دياربوونا، وێ بڤێ نەڤێ، و بێى ئنيەتا خراب وەكى هەردوو دەست و نافچاڤان و گوستيرك و كلێ چاڤان، و بلا دەرسۆكا خۆ ب سەر سينگێ خۆدا بەردەن، بلا دەرسۆكا وان، پرچ و ستۆ و سينگێ وان، ژ بيانيان ڤەشێريت، و بلا جهێ خەملا خۆ ژبلى هەردوو دەست و نافچاڤان و جوانيا خۆ يا سينگى و پرچێ و لنگان، بۆ كەسێ ديارنەكەن، ژبلى بۆ زەلامێت خۆ يان بابێت خۆ يان خەزويرێت خۆ يان زارۆكێت خۆ يان نەڤيێت خۆ يان زارۆكێت زەلامێت خۆ ئانكو: نەڤسيێت خۆ يان برايێت خۆ يان برازايێت خۆ يان خوارزايێت خۆ يان ژنێت دگەل خۆ بۆ خزمەتێ يان هەڤالينيێ يان جاريێت خۆ، يان ئەو زەلامێت تێكەليا وان دكەن ئەوێت هەوجەيى ب ژنان نەمايى وەكى خولام و پالە و ساويلكەيان، يان بچويكێت چو ژ شەهوەتێ نەزانن، و ب سەر شەرمگەها ژنان هەلنەبووين، و بلا پێت خۆ ل عەردى نەدەن، دا چەكێ خۆ يێ ڤەشارتى و حنجۆلێت پيان ئاشكەرا بكەن، و هوين هەمى گەلى خودان باوەران تۆبە بكەن، دا سەرفەراز ببن.
ڤێجا گەلەك زانا دبێژن: چاڤ ژى ژ وان جهانە ئەوێت دڤێت كەس خەملا وان نەبينيت و كەس كلدايى نەبينيت ئەو نەبن ئەوێت د ئايەتا بەرى نوكەدا هاتين، بەلێ رەئيا ب هێزتر ل دەف من بازن و جهێ بازنى و چاڤ و كل ژ ڤى حوكمى دەركەفتينە ب گۆتنا خودێ ((وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا)) و بلا خەملا خۆ نەدەرێخن ژبلى جهێ دياربوونا، وێ بڤێت نەڤێت، و بێى ئنيەتا خراب وەكى هەردوو دەست و نافچاڤان و گوستيرك و كلێ چاڤان، و ديسا بەلگەيەكێ دى ژى زانايێت مە دبێژن: د دوو كراساندا نابيت ژن كلى ب كار بينيت: دەمێ د ئيحراماندا و د عيددێدا، ئەڤە هندێ دگەهينيت كو دورست دكەن د كراسێت ديدا ب كار بينيت، بەلێ مە گۆت ئنيەتا وێ خرابى نەبيت و نەبيتە ئەگەرێ سەرداچۆنێ هەكە ئنيەتا وێ ئەو بوو دا خەلك بەرێ خۆ بدەنێ يان هند كل تێدا بيت ببيتە ئەگەرێ چاڤ زڤرين و سەردا چۆنێ گونەهە و نەدورستە، و خودێ چێتر دزانيت.
