ب / دەستپێكێ ئەز دەستخۆشيێ ل تە دكەم ل سەر جلكێ تە يێ شەرعى و ل سەر شانازيا تە ب وى جلكى و ل سەر دلسۆزى و ئيخلاسا تە، خودێ ژ تە قەبويل بكەت و كچێت وەكى تە زێدەكەت، هەكە هەر كچەكا جلكێت شەرعى ل بەر وەكى تە بيت ئەڤە دێ گەلەك ترازيكريان گوهۆريت، بەلێ دڤێت موسلمان بزانيت پێگرى و ئلتيزاما وى يا دورست بۆ دين و ئيسلاما وى و خۆراگرتن ل سەر رێكا پێغەمبەرێ خۆشتڤى (سلاڤێت خودێ لێ بن) ياسايى دبيت. ئاخفتن و هەلويستێت نە د جهێ خۆدا بيننە د رێكا ويدا و د گوهێت ويدا و دڤێت بێهنا خۆ ل سەر ڤان تشتان فرەكەت، چونكى پێغەمبەرێ خودێ (سلاڤێت خودێ لێ بن) ئەم يێت ژ ڤێ چەندێ ئاگەهداركرين كو دێ وەختەك هێت يێ دينێ خۆ دگريت هەروكى ئەو پەلەكى د دەستێ خۆدا دگريت، هندى هند يا ب زەحمەتە، بەلێ ڤان كەسان چەند جاران خودێ مەزن گەف ل وان كرينە دبێژيتە وان: ((وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُبِينًا))ئانكو: و ئەوێت ژ نەهەقى و بێى وان تشتەك كربيت ئەزيەتا زەلامێت خودان باوەر و ژنێت خودان باوەر دكەن ب هەر رەنگەكێ هەبيت ب ئەزمانێ خۆ يان ب دەستێ خۆ، ب سويند وان ستەم و بێ بەختيەكا مەزن و گونەهەكا زێدە ئاشكەرا كر. ديسا دبێژيتە وان: ((وَيْلٌ لِكُلِّ هُمَزَةٍ لُمَزَةٍ)) ئانكو: نەخۆشى و ئيزا بۆ هەركەسێ عەيبدەرئێخ و تانهاڤێژ. و وەختێ ئەو ب هەوە دكەنە كەنى بلا بيرا خۆ بيننە ئاخفتنا خودێ دەمێ دبێژيت: ((إِنَّ الَّذِينَ أَجْرَمُوا كَانُوا مِنَ الَّذِينَ آمَنُوا يَضْحَكُونَ))(( وَإِذَا مَرُّوا بِهِمْ يَتَغَامَزُونَ))(( وَإِذَا انْقَلَبُوا إِلَى أَهْلِهِمُ انْقَلَبُوا فَكِهِينَ))(( وَإِذَا رَأَوْهُمْ قَالُوا إِنَّ هَؤُلَاءِ لَضَالُّونَ))(( وَمَا أُرْسِلُوا عَلَيْهِمْ حَافِظِينَ))(( فَالْيَوْمَ الَّذِينَ آمَنُوا مِنَ الْكُفَّارِ يَضْحَكُونَ))(( عَلَى الْأَرَائِكِ يَنْظُرُونَ))(( هَلْ ثُوِّبَ الْكُفَّارُ مَا كَانُوا يَفْعَلُونَ)) ئانكو: ئەوێت ژ رێ دەركەفتين د دنيايێدا، بۆ خۆ ب خودان باوەران دكەنين. دەمێ د بەر وانرا دبۆرين، چاڤێت خۆ ل هەڤدوو دنقاندن. دەمێ دزڤرينە مال بۆ خۆ دكرنە پێ ترانك، و خۆشى ژێ دديتن د سوحبەتێت خۆدا. و ئەگەر دديتن دگۆتن: ئەڤەنە يێت گۆمرا و رێبەرزە. و ئەو نەهاتينە هنارتن كو زێرەڤانيێ ل وان بكەن. ئەها ئەڤرۆ (رۆژا قيامەتێ) خودان باوەر دێ ب بێ باوەران كەنن. ئەوێت ترانان بۆ خۆ ب كچا موسلمان و جلكێ وێ يێ شەرعى ئەوێ بۆ خودێ كريە بەر خۆ دكەن، ئەو ل كيرێنە ژ ئەمرێ خودآ: ((يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ)) گەلى خودان باوەران بلا چو زەلام ترانەيان ب چو زەلامان نەكەن، دبيت ئەوێت ترانە پێ دئێنە كرن ژ وان ئەوێت ترانەيان پێ دكەن چێتر بن، و بلا چو ژن ژى ترانەيان ب چو ژنان نەكەن، دبيت ئەوێت ترانە پێ دئێنە كرن ژ وان ئەوێت ترانەيان پێ دكەن د چێتر بن، و تانان د ئێك و دوو نەقوتن و ئێكدوو لەكەدار نەكەن، و ب ناڤ و نەقلناڤێت كرێت گازى ئێكدوو نەكەن، و چ پيسە تشتە مرۆڤ ب ناڤێ فسقێ بێتە ناڤكرن پشتى باوەرى ئينانێ، و هەركەسێ ژ تانقوتان و لەكەداركرنێ و ب ناڤكرنا خەلكى ب ناڤێت پيس تۆبە نەكەت، ڤێجا ئەوێت ستەمكار ئەڤەنە. بلا ئەڤێت ڤان ترانان دكەن هزر نەكەن ئەڤە تشتەكێ بچويكە دكەن بەلكێ ئێك ژ ئەگەرێت چۆنا جەهنەمێ سفكيكرنە ب موسلمانان و ترانەكرنە ب وان. بەرێ خۆ بدێ خودێ مەزن بۆ وان ئەوێت ترانە بۆ خۆ ب موسلمانان دكرن و بۆ وان موسلمانان ئەوێت بێهنا خۆ ل سەر ترانەپێكرنێ فرەهكرى و خۆ ل سەر ئيسلاما خۆ راگرتين چ دبێژيت: ((قَالُوا رَبَّنَا غَلَبَتْ عَلَيْنَا شِقْوَتُنَا وَكُنَّا قَوْمًا ضَالِّينَ))(( رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ))(( قَالَ اخْسَئُوا فِيهَا وَلَا تُكَلِّمُونِ))(( إِنَّهُ كَانَ فَرِيقٌ مِنْ عِبَادِي يَقُولُونَ رَبَّنَا آمَنَّا فَاغْفِرْ لَنَا وَارْحَمْنَا وَأَنْتَ خَيْرُ الرَّاحِمِينَ))(( فَاتَّخَذْتُمُوهُمْ سِخْرِيًّا حَتَّى أَنْسَوْكُمْ ذِكْرِي وَكُنْتُمْ مِنْهُمْ تَضْحَكُونَ))(( إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ)) جەهنەمى ئەوێت د دنيايێدا بۆ خۆ ترانە ب حيجابێ و كچا موسلمان دكرن وەختێ ئەو زارزارێ دكەن، خودێ دبێژيتە وان: ئەرێ ما نيشانێت من (ئايەتێت قورئانا من) بۆ هەوە د دنيايێدا نەدهاتنە خواندن، و هەوە درەو ددانان.دێ بێژن: خودێ وۆ خرابى و دلخوازيا مە، سەر ژ مە ستاند، و ئەم ملەتەكێ گۆمرا و سەركۆرە بووين.خودێ وۆ، مە ژ ئاگرێ جەهنەمێ دەربێخە و مە بزڤرينەڤە دنيايێ، ڤێجا ئەگەر ئەم پشتى تو مە ژ ئاگرى دەردئێخى، و دزڤرينيەڤە دنيايێ جارەكا دى ل گاوري و خرابى و گونەهێ زڤرين، هنگى ئەم ستەمكارين. خودێ دێ بێژيت: رەزيل و رسوا تێدا بمينن توتبن وەكى سەيان و بێ دەنگ بن، و دگەل من نەئاخڤن. ژ بيرا هەوە چۆ، كا هەوە چاوا ترانە بۆ خۆ ب موسلمانان دكرن؟ ب راستى دەستەكەك ژ بەندەيێت من هەبوون دگۆتن: خودێ وۆ مە باوەرى ئينا، ڤێجا ل مە نەگرە، و گونەهێت مە ژێ ببە و دلۆڤانيێ ب مە ببە، و تو چێترين دلۆڤانى. چونكى وان بۆ خۆ ئەڤ دوعايە ژ من دكر ڤێجا هەوە كرنە پێترانكێت خۆ هوين هند مانە ب ترانەپێكرنا وانڤە، هەتا ترانەپێكرنا وان ئەز ژ بيرا هەوە بريم، و هەوە د دنيايێدا ب وان دكرە كەنى. ب راستى من ئەڤرۆ ژ بەر سەبرا وان ل سەر ئەزيەت و ترانەپێكرنا هەوە كێشايى، ئەو خەلاتكرن، ب راستى هەر ئەون يێت سەرفەراز.
فەرە ل ڤێرێ ئەز بێژمە گەنجێ موسلمان و گەنجا موسلمان ل سەر دينێ خۆ و ئيسلامخوازيا خۆ د بەردەوام بن، چو بۆ ترانێت وان نەدانن هوين د سەركەفتينە، هۆسا خودێ ژڤان يێ دايە هەوە و ژڤانا خودێ دێ هەر وەكى خۆ هێت. خودێ مەزن دبێژيت: ((زُيِّنَ لِلَّذِينَ كَفَرُوا الْحَيَاةُ الدُّنْيَا وَيَسْخَرُونَ مِنَ الَّذِينَ آمَنُوا وَالَّذِينَ اتَّقَوْا فَوْقَهُمْ يَوْمَ الْقِيَامَةِ وَاللَّهُ يَرْزُقُ مَنْ يَشَاءُ بِغَيْرِ حِسَاب)) ژين و ژيارا دنيايێ بۆ گاوران يا هاتيە خەملاندن، ژ بەرێ شەيتانيڤە چاڤ ل وان هاتينە تاريكرن، ئاخرەتێ نابينن و ترانەيان بۆ خۆ ب خودان باوەران دكەن، و ئەوێت پارێزكاريا خودێ كرين رۆژا قيامەتێ د سەر وانرانە، و يێ خودێ بڤێت دێ بێ هەژمار دەتێ. ڤێجا ما دەم ب ڤى رەنگيە ب خەم نەكەڤن و بزانن دويماهى و سەرفەرازى و روى سپياتى هەر بۆ هەوە و هەر هوين د سەر وانرانە، و خودێ چێتر دزانيت.
