ب / هەكە ژن يا موسلمان بيت و يا باوەريێ بيت دورستە و چو تێدا نينە، بەلێ نەدورستە ژنا موسلمان ل دەف هەر ژنەكا هەبيت، خۆ رويسكەت چونكى ژنكە و خودێ مەزن د ئايەتا سۆرەت نوردا ئاشكراكريە كا ل دەف كێ دورست ژن شەرمينگەها خۆ دەربێخيت ئێك ژ وان ژنێت موسلمانە نە يێت نە موسلمان و باراپتر تەفسيرزان دبێژن: مەخسد ژ گۆتنا خودێ ((أَوْ نِسَائِهِنَّ))ژنێت موسلمانن، ژبەر كو ئەڤێت دى نەيێت باوەريێنە، و دبيت دێ رەوشا وێ كەت و جوانيا وێ ل جهێت نەيێت هەژى دێ لێ خەبەردەت. ژبەر هندێ ژى هەتا ژنا موسلمان ژى پێغەمبەر (سلاڤێت خودێ لێ بن) وێ ئاگەهدار دكەت سالۆخەتا ژنا موسلمان نەكەت ببيتە جهێ گونەهێ، دبێژيت: هەروەكى بوخارى و موسلم ژ ئبن مەسعودى (خودێ ژێ رازی بیت) ڤەدگێرن: (لا تُبَاشِر المرْأَة المَرْأَة، فَتَصِفَهَا لِزَوْجِهَا كَأَنَّهُ يَنْظرُ إِلَيْهَا) ئانكو: ژن لەشێ خۆ د لەشێ ژنێ نەدەت (نەرماتيا لەشێ وێ هەست پێ بكەت) و رەوشا وێ بۆ زەلامێ خۆ بێژيت هەروەكى ئەو بەرێ خۆ ددەتێ. ديسا هەكە هەر بۆ شويشت ژى نابيت ئەو جهێ نامويسا وێ ببينيت. ئيمام نەوەوى دبێژيت: چاوا نابيت زەلام بەرێ خۆ بدەتە جهێ نامويسا زەلامى.. وەسا نابيت ژن بەرێ خۆ بدەتە جهێ نامويسا ژنێ، و ئەڤە نەجهێ جودابوونێيە د ناڤبەرا زاناياندا، و خودێ چێتر دزانيت.
