ب/ پێدڤيە مرۆڤێ گونەهكار چو جاران ژ دلۆڤاني و رەحما خودێ بێ هيڤى نەبيت، گونەهێت وى چەند مەزن بن، دلۆڤانى و رەحما خودێ مەزنترە، لەوا خودێ مەزن د حەيسەكا قودسيدا دبێژيت: يا كورێ ئادەمى ب راستى هندى تو دوعا ژ من بكەى و هيڤيا ژ من بكەى دێ گونەهێت تە بۆ تە ژێ بەم دگەل وێ يا ل دەف تە (ئانكو دگەل وان گونەهێت تو دكەى) و من خەم نينە (و ل دەف من ئەڤە يا مەزن نينە)، يا كورێ ئادەمى هەكە گونەهێت تە بگەهنە هندى چاڤێت تە قەترە بكەن ژ عەسمانى، پاشى تو داخوازا گونەه ژێبرنێ ژ من بكەى، دێ بۆ تە ژێ بەم، يا كورێ ئادەمى هەكە تو نێزيكى تژى عەردى ب گونەهان بێيە دەف من، پاشى بگەهيە من و تو چو تشتان بۆ من نەكەيە هەڤپشك، ئەز دێ نێزيكى تژى عەردى گونەه ژێبرنێ دەمە تە. ديسا خودێ مەزن دبێژيت: ((وَالَّذِينَ لَا يَدْعُونَ مَعَ اللَّهِ إِلَهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ وَمَنْ يَفْعَلْ ذَلِكَ يَلْقَ أَثَامًا))(( يُضَاعَفْ لَهُ الْعَذَابُ يَوْمَ الْقِيَامَةِ وَيَخْلُدْ فِيهِ مُهَانًا))(( إِلَّا مَنْ تَابَ وَآمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا))(( وَمَنْ تَابَ وَعَمِلَ صَالِحًا فَإِنَّهُ يَتُوبُ إِلَى اللَّهِ مَتَابًا)) و ئەوێت ژبلى خودێ، دوعايان ژ كەسێ دى نەكەن و ژبلى خودێ كەسێ نەپەرێسن و ئەو مرۆڤێ خودێ كوشتنا وى دورست نەكرى، ب هەقى نەبيت كو بەرانبەر ئێكێ دى بێتە كوشتن ناكوژن، و زنايێ و دەهمەنپيسيێ ناكەن، و هەركەسێ ڤان بكەت، دێ گونەه ل سەر ستوير بن، و دێ پێ ئێتە جزاكرن. رۆژا قيامەتێ ئيزا دێ ل سەر بيتە دوقات، و هەروهەر دێ رەزيل و شەرمزار تێدا مينيت، چونكى گونەه ژى دا دگەل گاوريێ. ژبلى وى يێ تۆبەكرى و باوەرى ئينايى و كار و كريارێت راست و قەنج كرين، ئەڤێت هۆسا، خودێ دێ گونەهێت وان كەتە خێر، ئانكو: دێ گونەهێت وان ژێبەت، و خێران دێ ل جهێ وان دانيت، و خودێ ب خۆ گونەه ژێبەر و دلۆڤانە. و ئەوێ تۆبە بكەت و پاشى كارەكێ راست و باش بكەت، ب راستى ئەو زڤرينەكا دورست ب بال خودێڤە زڤرى. ڤێجا گەلەك باش هزرا خۆ د ڤێ ئايەتێدا بكە دێ هەلويستێ دورست بۆ تە دياربيت، و فەرمان و حوكمێ رەوش و كراسێ تو تێدا دێ باش و باش ئاشكرابيت، بەرێ خۆ بدێ هەركەسێ گونەهێت مەزن بكەت تۆبە نەكەت دێ گونەه ل سەر ستوير بن، و دێ پێ ئێتە جزاكرن. رۆژا قيامەتێ ئيزا دێ ل سەر بيتە دوقات، و هەروهەر دێ رەزيل و شەرمزار تێدا مينيت، بەلێ يێ ئەڤ گونەهە كرين و تۆبەكرى و پەشێمان بووي (( إِلَّا مَنْ تَابَ وَآمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا)) ژبلى وى يێ تۆبەكرى و باوەرى ئينايى و كار و كريارێت راست و قەنج كرين، ئەڤێت هۆسا، خودێ دێ گونەهێت وان كەتە خێر، ئانكو: دێ گونەهێت وان ژێبەت، و خێران دێ ل جهێ وان دانيت، و خودێ ب خۆ گونەه ژێبەر و دلۆڤانە. بەلێ دڤێت پشتى تۆبێ كار و كريارێت راست و دورست و چاك بكەت، ئەڤێت هۆسا نەبەس دێ گونەهێت وان هێنە ژێبرن.. بەلكى دێ ژێبەت و خێران ل شوينێ دانيت، ئانكو: گونەهان دێ ب خێران گوهۆريت. پاشى ئايەتا دويفدا خودێ تۆبا راست و دورست ديار دكەت، دبێژيت: (( وَمَنْ تَابَ وَعَمِلَ صَالِحًا فَإِنَّهُ يَتُوبُ إِلَى اللَّهِ مَتَابًا)) و ئەوێ تۆبە بكەت و پاشى كارەكێ راست و باش بكەت، ب راستى ئەو زڤرينەكا دورست ب بال خودێڤە زڤرى. ڤێجا خويشكا خۆشتڤى ژ دلۆڤاني و رەحما خودێ بێ هيڤى نەبە بەلێ وان رێكان بگرە يێت تو بشێيە خۆ و نەزڤريەڤە گونەهێ، ئێك ژ وان ريكان: هەڤال و دۆستێت خراب بهێلە، و ئەو ژينگەها تو تێدا بگوهۆرە، هەڤالينيا چاكان بكە و دۆستينى و هەڤالينيێ دگەل وان بكە، و دگەل وان وەرە و هەرە و هاتن و چۆن و گەريان و روينشتنێ بكە، هۆسا ديارە ئەو ژينگەها تو تێدا و ئەو هەڤالێت تە هەين نە د هاريكارن لەوا تو نەشێيە خۆ هەكە نە، هێزا شەيتانى نە هندا مەزنە هەتا موسلمانێ دورست نەشێتێ ((فَقَاتِلُوا أَوْلِيَاءَ الشَّيْطَانِ إِنَّ كَيْدَ الشَّيْطَانِ كَانَ ضَعِيفًا)) گەلى خودان باوەران هوين شەرێ دۆست و يارێت شەيتانى بكەن، ب راستى كارێ شەيتانى بەرانبەر يێ خودێ يێ بێ هێز بوو، و خودێ چێتر دزانيت.
