پ /ئەڤە تشتەكێ خەلەتە و نەيێ دورستە و نەحەقى و زولم و ستەمەكە ل كچێ دهێتەكرن ب كوريڤە بێتە گرێدان و بەختێ وێ رەشەكەن نەهێلن دەرفەتا خۆ ب دورستى د شويكرنێدا ببينيت و بازنێ ئختيار و ژێگرتنێ ل بەر تەنگ بكەن، چونكى هەكە كچ ب برايڤە هاتە گرێدان وى دەمى ئەوێت بەربژێر بچن بخوازن دێ د كێم بن، دێ ئەو بن يێت زەنگين بشێن نەختى بدەن و ئەڤە د كێمن و ژ وان ژي چەند د باشن چەند خرابن؟! و يێ دى ئەوێ وەكى برايێ وێ هيڤيا پێگوهۆركيێ هۆسا كچ دێ يا مافخوارى بيت ب دلێ خۆ شويكەت و ب دلێ خۆ هەلبژێريت، چونكى يێت بچن بخوازن دێ د كێم بن ئەوێت مە گۆتين، و ب راستى ئەڤە زولمە دايباب ل كچێ دكەن. ئەم دبێژينە ڤان دايبابان باشە هەكە هەوە ئەو كچ نەبا دا كورێ هەوە چ كەت دايێ بێ رزق بيت و دا چاوا ژنێ ئينيت؟!!!!!، و خودێ چێتر دزانيت.
