ب/ هەكە سەرشەكرنا دبێژنێ پەرمەن كو خەلەككرنا پرچێيە ببيتە ناڤبر و نەهێليت ئاڤ بگەهيتە سەرێ ژنێ.. هنگى ئەڤ رەنگە سەرشەكرنە نەيا دورستە، چونكى هەكە ئاڤ نەگەهشتە پرچا ژنێ ئەڤە دەستنڤێژێت وێ نەدورستن، چونكى رەنگەكێ سپرە كارئينانێيە دگەل، پرچ خەلەك خەلەك دبيت، و هەرگاڤا ژنێ ڤيا دەستنڤێژا خۆ بشۆت يان سەرێ خۆ بۆ عادێ يان بۆ جەنابەتێ بشۆت دڤێت وێ سپرێ ژێ ببەت هەتا نڤێژێت وێ د دورست بن، ئەڤە هەكە ئەو سپرە راستى ببيتە ئەگەرێ نەهێلانا ئاڤێ بۆ د ناف پرچێرا، و يا ئاشكرا نابيتە ناڤبر، و هەكە نەبيتە ناڤبر دورستە و چو تێدا نينە، بەلێ پێدڤيە دوو تێبينى بەرچاڤ بێنە وەرگرتن، ئێك: وى پەرمەنى ل كيرێ چێدكەت.. دەف چ سەرتراشخانێ ل دەف زەلامى يان ژنێ، و ئەو ژن ئەوە يا موسلمان و ئەمين و يا چو سالۆخەتان نەڤەگوهێزيت يان نەئەوە، چونكى نابيت ژنا موسلمان هەرجهێ جوانكاريەكا هەبيت قەستا وێ بكەت ئەڤ خالە يا فەرە بەرچاڤ بێتە وەرگرتن. و خالا دى يا فەرتر: هەكە ئەڤ سەرشەكرنە وەرگرتيە دا سەرێ خۆ بەردەتە سەر ملێت خۆ و جوانيا خۆ بۆ جادێ و خەلكێ جادێ دياركەت، ئانكو خۆ سەركۆلكەت، هنگى دوجاركى يا گونەهكارە.. جارەكێ بێ ئەمريا خودێ و پێغەمبەرى (سلاڤێت خودێ لێ بن) كر، و دوو: ئەو بێ ئەمرى پتر ب ئاشكرايى كر خۆ خەملاند و خۆ سەربەردايى كر، بەلێ هەكە ژن يا شويكرى بيت و بۆ زەلامێ خۆ سەرێ خۆ پەرمەن بكەت، و سەرێ وێ دەرسۆك سەر بيت بەلێ ناف مالێ دەرسۆكێ ناكەتێ دا دلێ زەلامێ وێ خۆش ببيت، د ڤى كراسيدا نەبەس دورستە بەلكى ب ئنيەتا خۆ دبيت يا خودان خێر ژى بيت، و خودێ چێتر دزانيت.
