ب / دەستپێكێ ئەم دەستخۆشيێ ل تە دكەين و ژ خودێ دخوازين پێگريا تە زێدەتر لێ بكەت و بۆ خۆ حسێبكەت، و يا فەر د دەرسۆكێدا ئەو جهێت پێدڤى ژ پرچێ كچێ يان ژنێ بگريت پرچێ وێ و حەفكا وێ، چونكى خودێ مەزن د راستا دەرسۆكا ژنێدا دبێژيت: ((وَلْيَضْرِبْنَ بِخُمُرِهِنَّ عَلَى جُيُوبِهِن)) ئانكو: و بلا دەرسۆكا خۆ ب سەر سينگێ خۆدا بەردەن، بلا دەرسۆكا وان، پرچ و ستۆ و سينگێ وان، ژ بيانيان ڤەشێريت، بەس دەرسۆكێ ئەڤ مەرجە يێ هەى و هۆسا ژن بكەتە سەرێ خۆ ڤێجا چ رەنگ بيت سپى، سۆر، رەش يان هەر رەنگێ هەبيت. ديسا فەرە يا تەنك نەبيت پرچ تێرا بێتە ديتن، عائيشا دايكا مە موسلمانان بويكەك ديت دەرسۆكەكا تەنك دانابوو سەر سەرى و پرچێ وێ تێرا دهاتە ديتن، ئينا گۆت: ئەڤێ باوەرى ب سۆرەتا نوور نەئينايە، و د ريوايەتەكا ديدا دبێژيت: يێ ڤى جلكێ تەنك بكەتە بەر خۆ وان باوەرى ب سۆرەتا نوور نەئينايە، ڤێجا هەكە دەرسۆكا تە يا هۆسا نەبيت و پرچێ تە هەميێ بگريت و سينگ و حەفكا تە ژى بگريت.. هنگى دەرسۆكا تە يا دورستە چ رەنگ بيت بلا ئەو بيت و مەرج نينە يا سادەبيت يان سپى و رەش تنێ بيت، و خودێ چێتر دزانيت.
