ب / ب راستى هەرگاڤا ژن خراب بوو و بەرزە بوو.. زەلام ژى بەرزە بوو، و هزار جار حەمدا خودێ دكەين گەلەك خويشكێت شارەزا و تێگەهشتى يێت هەين و يێ ل هيڤيآ جەحێلێت خودێناس و ديندار دەرگەهێت وان بقوتن، و فەرە گەنج و كور و لاو ل ڤان بگەرن و ل سەر ڤان د رژد و هشياربن، چونكى ئەڤە شيرەت و وەسيەتا پێغەمبەرێ وانە (سلاڤێت خودێ لێ بن) بۆ وان دەمێ دبێژيتە وان هەروەكى د بوخارى و موسلمێدا هاتى: (تُنْكَحُ المَرْأَة لأَرْبعٍ: لِمالِهَا، وَلِحَسَبِهَا، وَلِجَمَالِهَا، ولِدِينِهَا، فَاظفَرْ بِذاتِ الدِّينِ تَربَتْ يدَاك) ژن بۆ چار تشتان دئێتە مارەكرن: بۆ مالێ وێ و بۆ مالباتا وێ و بۆ جوانيا وێ و بۆ دينێ وێ، بگەهە يا خودان دين (هەكە تە وەنەكر و ل سەر ڤى بنياتى ژن نەهەلبژارت) دەستێت تە ب ئاخێ بكەڤن و هەژار ببى. ڤێجا گەلى گەنج و جەحێل و لاوان ئەوێت هەوە ل بەرە دينێ خۆ تمامكەن و بەر ب پرۆژێ هەڤژينيێ بچن و خێزانەك و مالەكێ دامەزرينن ل سەر يا خودان دين رژد بن و وێ بگەهيننە خۆ و ل سەر هەڤالينيا وێ د رژد بن. ديسا پێغەمبەرێ تە (سلاڤێت خودێ لێ بن) دبێژتە تە هەروەكى د موسلمێدا هاتى: ئەرێ تە خۆشيا ژ هەميا هەژيتر د دنيايێدا دڤێت هەكە وەسا بيت باش و باش بزانە: (الدُّنْيا مَتَاعٌ، وَخَيْرُ مَتاعهَا المَرْأَة الصَّالحة) ئانكو: دنيا خۆشيەكا بەروەختە و باشترين خۆشيا دنيايێ ژنا باشە، ديسا ئەم دبێژين: تە گونەها خۆ نينە و بلا بابێ تە ژى يێ ركۆيى و عينادى نەبيت هەكە ئێكێ باش و ژ خودێ ترس و ديندار و كێرهاتى هات خويشكا تە بخوازيت بلا بدەتێ، چونكى پێغەمبەرێ خۆشتڤى (سلاڤێت خودێ لێ بن) دبێژيت: (إژا جاءكم من ترضون دينه وخلقه فأنكحوه إلا تفعلوه تكن فتنە في الأرض وفساد عريض) گەلى دايباب و سەركارێت كچان هەكە ئەو هات كچێت هەوە بخوازيت يێ هوين ژ دين و ئەخلاقێ وى رازى بدەنێ، و هەكە وەنەكەن دێ بەلا و خرابيەكا مەزن د عەرديدا چێبيت. هەژيە بێژين پێغەمبەرى (سلاڤێت خودێ لێ بن) سێ جاران ئەڤ ئاخفتنە دوبارەكر دا دايباب و سەركاران چو هێجەت نەمينن ديندار و ئەخلاقداران ڤەگێرن، و خودێ چێتر دزانيت.
