ب / ئەگەر ژ دل تۆبە كربيت، و تۆبا وى يا راست و دورست بيت، دورستە شوى پێ بكەت، و هەكە نە، بلا ئەو كچ بۆ خۆ بەرێ خۆ بدەتە گەنجەكێ دى يێ وەكى وێ ديندار و خودان سنج و ئەخلاق باش، و بلا كچ ب ساناهي نەهێتە سەردابرن و هەكە باش پشت راست نەبوو ژ تۆبا وى بلا شوى پێ نەكەت، و بلا وەكى عومەرێ كورێ خەتابى بيت (خودێ ژێ رازی بیت) دگۆت: ئەز نەحيلەكەرم و حيلەكەر ژى حيلێ ل من ناكەن، ئانكو: نەشێن. ڤێجا بلا ئەو يا شارەزا و تێگەهشتى بيت. ب راست چەند كچ ب ڤان ئاخفتنێن شرينكرى و هنگڤينكرى سەرداچۆينە و هاتينە خاپاندن (دێ تۆبەكەم، دێ خرابيا هێلم، دێ نڤێژان كەم، دێ و دێ و دێ... هتد) يێ ب دورستى بەرى ژنئينانآ ل خۆ نەزڤرى و تۆبە نەكرى پشتى ژنئينانێ تۆبە ناكەت و ل خۆ نازڤريت ئەو نەبيت خودێ رەحم و دلۆڤانى بۆ ڤيايى و ئەڤە ژى د كێمن، و خودێ چێتر دزانيت.
