ب / دڤێت بزانين ئارمانجا سەرەكى و بنياتى د ژيانا هەڤسەريێدا بەردەواميدانا ژيانێيە، و ئەڤە ژى ب چ ب جه دهێت ب زارۆك بوونێ، لەوا بوونا عەيالى ئارمانجا سەرەكيە ژ پێكئينانا هەڤژينيێ، و نابيت بێى ئەگەرێت هەژى ژن خۆ ژ عەيالبوونێ ڤەگريت، بەلێ دگەل هندێ ژى چونكى ئيسلام دينەكێ واقعيە و دگەل ژيانا مرۆڤى دهێت، دبيت هندە كراس ل سەر ژن و مێراندا بێن پێدڤى ب راوەستيانا عەيالى هەبيت ـ يا بەروەخت نەيا بەردەوام ـ، چونكى خۆخلاسكرن ژ عەيالى و د بنيرا نەبن نەيا دورستە و يا حەرامە، ژبەر هندێ نەبيت ژيانا دايكێ يا گەفلێكرى بيت گەفلێكرنەكا راست و دورست نەيا ئاشۆپى و نەبنەجه، هنگى دورستە بەلێ پێدڤيە ئەڤ مەرجە بێنە بەرچاڤ وەرگرتن هەكە وەنەكر نەدورستە و حەرامە:
ئێك: دڤێت ب دلێ ژن و مێران بيت و هەردوو د رازى بن ژن بێى زەلامى نەكەت و زەلام ژى خورتيێ ل ژنێ نەكەت عەيالى راوەستينيت، چونكى ئەڤە مافەكێ هەڤپشكە و نابيت ئێك تنێ بێى هەڤالێ خۆ بريارێ تێدا بدەت، هەكە ئێكى وەكر يێ گونەهكارە چ ژن بيت چ مێر.
دوو: دڤێت هەوجەييەك و ئەگەرەكێ هەژى بۆ هەبيت.. وەكى ساخلەميا ژنێ دەست نەدەت يان يا بچويك شيرە و هۆسا.
سێ: ئەڤ مەنع و نەهێلانە زەرەر و زيانێ نەگەهينيتە ژنێ هەكە نەهێلانا عەيالى دێ زيانێ گەهينيتە ساخلەميا ژنێ.. هنگى نابيت مەنع بێتەكرن.
چار: دڤێت ئنيەتا وان ب وى مانعي ئەو نەبيت هەتا هەتا خۆ ژێ خلاسكەن، و دڤێت مەخسەد و ئنيەتا وان وەختەكێ سنورداى و بەروەخت بيت، هەكە نە د گونەهكارن، چونكى پێغەمبەر (سلاڤێت خودێ لێ بن) دبێژيت: (إنَّما الأَعمالُ بالنِّيات، وإِنَّمَا لِكُلِّ امرئٍ مَا نَوَى ) ب راستى هەمى كار و كريار ب ئنيەتانە، و ب راستى بۆ هەر مرۆڤەكى كا چ ئنيەت ئينايە دێ ئەو بيت، و خودێ چێتر دزانيت.
