ب / سوبغا نوينۆكان ب خۆ نەيا حەرامە، بەلێ هەكە كەفتە سەر لەشێ ژنێ و ل سەر ئەندامەكێ دەستنڤێژێ دڤێت بێتە راكرن هەكە دەستنڤێژ نەيا دورستە، و سەرشويشتنا وێ ژى بۆ عادێ و جەنابەتى نەيا دورستە، چونكي ناهێليت ئاڤ بگەهيتە جهێت پێدڤى، لەوا دڤێت كچا موسلمان ب سفكى بەرێ خۆ نەدەتە سوبغێ و بێژيت چو نينە، چونكى هەكە تو سوبغا نوينۆكا ژێ نەبەى ئەڤە نە دەستنڤێژا تە يا دورستە و نە تو ژ عادێ دەركەفتى و هەكە تو د كراسێ جەنابەتێدا بى دێ هەر مينيە تێدا و ژێ نادەركەڤى ژبەر سوبغا نوينۆكان. بەلێ هەكە ئەو د چلكاندا بيت يان د كراسێ عادێدا بيت دورستە ئەو سوبغا نوينۆكان رۆژێت عادێ و چلكان ب كار بينيت، بەلێ هەكە ژێ دەركەفت دڤێت ژێ ببەت پاشى سەرێ خۆ بشۆت، هەكە وەنەكەت سەرشويشتنا وێ كراسێ چلكان و عادآ ل سەر وێ ناراكەت، چونكى دڤێت ئاڤ بگەهيتە هەمى جهێت پێدڤى و ناگەهيتێ، ديسا هەكە ئەو د ناڤبەرا دەستنڤێژ شويشتنێ و دەستنڤێژ شويشتنێدا راكەت و نەهێليت و دەستنڤێژا خۆ بشۆت پاشى ب كار بينيت دورستە و چو نينە، بەلێ ئەڤە كارەكێ ب زەحمەتە، دبيت هندەك يان كێمەك دێ مينيتە ب نوينۆكا وێڤە و وێ هايى ژ خۆ نە، هنگى نڤێژێت وێ دورست نينن، چونكى دەستنڤێژا وێ نەيا دورستە. ژبەر ئەڤا بۆرى ئەز كچ و ژنێت موسلمان ب دلسۆزى شيرەت دكەم ئەو ڤێ سوبغێ ب كار نەئينن، چونكى سەرێ نەئێشيت هەوجەى دەرسۆكێ نينە، و خودێ چێتر دزانيت.
