ب / پێدڤيە هەر كەسەكێ ب بيروباوەر رێكەك گرتبيت يێ ب ساناهي نەبيت با وى بۆ هەر لايێ هەبيت بچەمينيت. دڤێت هەرئێك ژ مە ل سەر دينێ خۆ قورمەكێ ب هێز و خۆراگرتى و بنەجه بيت، هەكە خەلك هەمى د خراببن و ب هەمى شيانێت خۆ كاربكەن من ب بەر خرابيێرا ببەن نەشێن، و شەرما بەرتەنگيا مەزن ئەوە مرۆڤ بكەڤيتە د گونەه و بێ ئەمريا خودێدا، و دڤێت ئەم شەرمێ بەس ژ خودێ تنێ بكەين، نابيت خويشك دەست ژ پێگرى و دەرسۆكا خۆ بەردەت ل بن هەر كاودانەكێ هەبيت، كا چاوا يا پێگرە ب دەرسۆكا خۆ ل خواندنگەهێ و سويكێ هۆسا يا پێگرە بەلكى هێژ پتر ل سەيران و دەركەفتن و دەواتان، چونكى ل وان جهان دبيت پتر خرابى بێتەكرن و دەرگەه پتر بۆ ڤەكرى بن، دڤێت ئەم خودانێت بيروباوەرێت خۆ بين هەر جهێ ئەم لێ بين و بزانين: ((إِنَّ رَبَّكَ لَبِالْمِرْصَاد)) خودايێ تە ل بەر وان يێ راوەستيايە، و هەمى كار و كريارێت وان ل بەر د ئاشكەرانە و هەر ئێكى جزايێ وى دێ دەتێ. و دبێژيت: ((وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَذَا الْكِتَابِ لَا يُغَادِرُ صَغِيرَةً وَلَا كَبِيرَةً إِلَّا أَحْصَاهَا وَوَجَدُوا مَا عَمِلُوا حَاضِرًا وَلَا يَظْلِمُ رَبُّكَ أَحَدًا)) و كتێب (يێت كار و كريارێت وان) هاتنە دانان (ئانكو هەر ئێك ب سەر كار و كريارێت خۆ هەلبوو)، ڤێجا وێ رۆژێ دێ گونەهكاران بينى، وەختێ ئەو كريارێت خۆ د كتێبێدا دبينن ژێ دترسن، و دبێژن: وەى خۆلى ب سەرێ مە، ئەڤە چ كتێبە؟ چو هوير و گر نينن هێلابن و تێ بۆرى بيت و نەنڤێسيبن، و هەر گونەهەكا وان د دنيايێدا كرى ديتن يا نڤێسيە، و خودايێ تە ستەمێ ل كەسێ ناكەت. ڤێجا بلا ئەم هەمى هزرا ڤێ رۆژێ بكەين، و ئەز دبێژمە ڤێ خويشكێ: ئەو كونا مارى تێدا ب تلا مرۆڤى ڤەداى مرۆڤ تلا خۆ ناكەتەڤە تێدا و دووجارا مار د ئێك جهرا ب مرۆڤى ڤەنادەت، ئەڤە جارەكێ ب سەرێ تە هات هشياربە چو جارێت دى كەس گونەهێ ب تە نەدەتەكرن، كي بيت، و بۆ خۆ تۆبەكە و نەزڤرەڤە ڤێ گونەهێ خودێ دێ ل تە خۆش بيت و گونەهێت تە ژێبەت، چونكى دبيت شەيتان بيستەكێ دێ شێت وەسواسێ بۆ من چێكەت من سەردا ببەت، بەلێ نەشێت من بەردەوام بێهليتە ب داڤێت خۆڤە، هەرگاڤا خودێ هاتە بيرا من دێ تۆبەكەم و ل خودێ زڤرم و خودێ ژى دێ گونەهێت من ژێبەت، خودێ مەزن دبێژيت: ((إِنَّ الَّذِينَ اتَّقَوْا إِذَا مَسَّهُمْ طَائِفٌ مِنَ الشَّيْطَانِ تَذَكَّرُوا فَإِذَا هُمْ مُبْصِرُونَ)) ب راستى ئەوێت پارێزكارى كرين، هەر وەختەكێ وەسواسەك ژ شەيتانى گەهشتە وان، فەرمانا خودێ هاتە بيرا وان، ڤێجا ب خۆ دحەسن، و چاڤێت وان باش رۆن دبن، و دزانن ئەڤە وەسواسا شەيتانيە، خۆ ژ گونەهێ ڤەدكێشن و گوهێ خۆ نادەنە شەيتانى. و ئەڤ مامە و مالا وان و گەلەكێت دى ژى وەكى وان مخابن و سەد جاران مخابن بەروڤاژى ئەمرێ خودێ دكەن و دژاتيا فەرمانێت وى دكەن فەرمانا وان يا هاتيەكرن خرابيێ نەهێلن و فەرمانا باشيێ بكەن، و ئەو بەروڤاژى باشيێ ناهێلن و فەرمانا خرابيێ دكەن، هەروەكى رەوشا وان دگەل ڤێ كچێ هەكە يا بێ دەرسۆك با ڤيابا وان نەهێلابا و فەرمانا وێ كربا خۆ بێ دەرسۆك نەكەت و بكەتە سەرێ خۆ، و ئەڤە كارێ دووروى و مونافقايە، يێ هۆ دكەتەهە خودێ مەزن د راستا واندا دبێژيت: ((الْمُنَافِقُونَ وَالْمُنَافِقَاتُ بَعْضُهُمْ مِنْ بَعْضٍ يَأْمُرُونَ بِالْمُنْكَرِ وَيَنْهَوْنَ عَنِ الْمَعْرُوفِ وَيَقْبِضُونَ أَيْدِيَهُمْ نَسُوا اللَّهَ فَنَسِيَهُمْ إِنَّ الْمُنَافِقِينَ هُمُ الْفَاسِقُونَ))(( وَعَدَ اللَّهُ الْمُنَافِقِينَ وَالْمُنَافِقَاتِ وَالْكُفَّارَ نَارَ جَهَنَّمَ خَالِدِينَ فِيهَا هِيَ حَسْبُهُمْ وَلَعَنَهُمُ اللَّهُ وَلَهُمْ عَذَابٌ مُقِيمٌ)) دووروى ژ ژن و مێران ژ ئێكن، ئانكو هەمى وەكى ئێكن د دووروياتيێدا، فەرمانێ ب خرابيێ دكەن و رێ ل باشيێ دگرن، و دەستێت خۆ دگرن (دمچينن) و قەلساتيێ دكەن، خودێ ژبيركرن و فەرمانا وى ب پشت گوهێ خۆڤە هاڤێتن و خودێ ژى ئەو هێلان و دلۆڤانى و كەرەما خۆ ژ وان برى، ب راستى دووروى ئەون يێت ژ رێ دەركەفتين. خودێ بۆ دوورويان ژ ژن و مێر و گاوران ئاگرێ دۆژەهێ بەرهەڤكريە، ئەو بەسى وانە، و خودێ ئەو يێت ژ دلۆڤانيا خۆ دويرئێخستين، و ئيزايەكا هەروهەر بۆ وان هەيە. ڤێجا ئەڤێت دژاتيا فەرمانێت خودێ دكەن بلا ل خۆ بزڤرن و ژ خودێ بترسن ب چاڤەكێ سڤك بەرێ خۆ نەدەنە كارێ خۆ، هەم گونەهكار و هەم خەلكى ژى گونەهكار دكەن و د بەر گونەهێرا دبەن، ئەڤە كارێ شەيتانانە خودێ مە بپارێزيت، و خودێ چێتر دزانيت.
