ب / جمهورێ زانايان ڤەكوشتنا ژنێ دورست ددانن خۆ هەكە زەلام د ئامادە ژى بن، و مەرجێ ڤەكوشتنێ ئەو نينە دڤێت زەلام بيت، چونكى خودێ دبێژيت: ﭽ ﭣ ﭤ ﭥ ﭼ ئەو نەبيت يا هوين ڤێرا دگەهن و ڤەدكوژن، ڤێجا ب دەستێ كێ بيت ژن يان مێر، بەلێ دڤێت ئەو مەرجێت ڤەكەوشتنێ ب جه بينيت و دورستە هەر جانەوەركێ هەبيت ڤەكوژيت چ بۆ قورباني بيت يان نە، و مەرج نينە يا پاقژبيت يان د عادێدا يان د چلكاندا يان د كراسێ جەنابەتيدا، و دهەر كراسدا بيت دشێت ڤەكوژيت، و بەلگە ل سەر دورستيا دەستكوژێ ژنێ مالكێ كورێ كەعبى (خودێ ژێ رازی بیت) ژ بابێ خۆ ڤەدگوهێزيت دبێژيت: مە جاريەك هەبوو ل بەر پەزێ مە بوو، بەرێ خۆ دايێ پەزەك يا نەساخە دێ مرار بيت رابوو ڤەكوشت، بابێ من گۆتە مالا خۆ كەس نەخۆن هەتا ئەز پسيارا پێغەمبەرى (سلاڤێت خودێ لێ بن) دكەم پسيار ژ پێغەمبەرى (سلاڤێت خودێ لێ بن) هاتەكرن گۆت: بخۆن چو نينە. ئەڤ حەديسە ديار دكەت دورستە ژن جانەوران ڤەكوژيت هەكە شيان هەبن و دورست ڤەكوژيت، و خودێ چێتر دزانيت.
