ب / هەكە ئنيەتا هەردووكان ئەو بيت گوهداريا ئاخفتنا پێغەمبەرێ خۆشتڤي بيت (سلاڤێت خودێ لێ بن) دەمێ دبێژيت: (لَيْسَ مِنَّا مَنْ لَمْ يرْحَمْ صَغِيرَنَا، ويعْرفْ شَرفَ كَبِيرنَا) ئەو نە ژ مەيە يێ دلۆڤانيێ ب بچويكێ مە نەبەت، و هێژاييا مەزنێ مە (ژ قەدر و رێزگرتنێ) نەزانيت. و گۆتنا وى (مِنْ إِجْلالِ اللَّهِ تعالى إِكْرَامَ ذى الشَّيْبة المُسْلِمِ) ژ مەزنگرتنا خودايێ مەزنە، قەدرگرتنا موسلمانێ خودان مويێت سپى، هنگى هەردوو خودان خێرن و بۆ هەردووكان دورستە و هەكە ئەڤ ئنيەتە نەبيت و بەس بۆ عەدەت وەدكەن هەرديسا چو تێدا نينە و دورستە، بەلێ ژ خێرێ بێبار بوون، چونكى كارێ وان ژ ئنيەتێ يێ رويت بوو، و خودێ چێتر دزانيت.
