ب / هەكە بەلگە و نيشانێت پشتراست و مسۆگەر هەبن ئەو يێ ژ ئەنجامێ سەرداچۆنێ مرى.. هنگى ئەو كوشتنە، بەلێ كوشتنا ب خەلەتيڤەيە و دكەڤيتە سەر تۆبە بكەت و خوينێ بدەت و كەفارەتێ ژى بدەت ژبەر گۆتنا خودێ: ((وَمَا كَانَ لِمُؤْمِنٍ أَنْ يَقْتُلَ مُؤْمِنًا إِلَّا خَطَأً وَمَنْ قَتَلَ مُؤْمِنًا خَطَأً فَتَحْرِيرُ رَقَبَةٍ مُؤْمِنَةٍ وَدِيَةٌ مُسَلَّمَةٌ إِلَى أَهْلِهِ إِلَّا أَنْ يَصَّدَّقُوا فَإِنْ كَانَ مِنْ قَوْمٍ عَدُوٍّ لَكُمْ وَهُوَ مُؤْمِنٌ فَتَحْرِيرُ رَقَبَةٍ مُؤْمِنَةٍ وَإِنْ كَانَ مِنْ قَوْمٍ بَيْنَكُمْ وَبَيْنَهُمْ مِيثَاقٌ فَدِيَةٌ مُسَلَّمَةٌ إِلَى أَهْلِهِ وَتَحْرِيرُ رَقَبَةٍ مُؤْمِنَةٍ فَمَنْ لَمْ يَجِدْ فَصِيَامُ شَهْرَيْنِ مُتَتَابِعَيْنِ تَوْبَةً مِنَ اللَّهِ وَكَانَ اللَّهُ عَلِيمًا حَكِيمًا)) بۆ چو باوەردار و موسلمانان نابيت و نەدورستە باوەردارەكى بكوژيت، ب بێ دەستى نەبيت، و هەركەسێ باوەردارەكى ب بێ دەستى بكوژيت، دڤێت جزايێ خۆ بەندەيەكێ موسلمان ئازا بكەت، و خوينێ بدەتە مرۆڤێت وى، ژبلى هندێ هەكە ئەو خوينێ پێ بهێلن، و هەكە ئەو كوشتى ژ ملەتەكێ دژمن بيت بۆ هەوە، و ئەو كوشتى يێ موسلمان بيت، دڤێت بەس بەندەيەكێ موسلمان ئازا بكەت، و ئەگەر ئەو كوشتى ژ ملەتەكى بيت پەيمان د ناڤبەرا هەوە و واندا هەبيت، ئێدى جزايێ وى ئەڤەيە خوينا وى بدەتە مرۆڤێت وى، و بەندەيەكێ موسلمان ئازا بكەت. ڤێجا يێ بەندە ب دەست نەكەڤيت، يان شيان نەبن ب دەست خۆ بێخيت تۆبەيا وى ئەوە: دوو هەيڤان ل سەرێك بێ ڤەبرين ئەو نەبيت يێ دەستويرى هەبيت، وەكى نەساخيێ، ژڤان و چلكان و... ب رۆژى بيت، ب راستى خودێ يێ زانا و كاربنەجهە. ڤێجا هەكە هۆسا بيت دڤێت تو خوينێ بدەى ژبلى ميراتخۆرێت وى بچويكى تە ئازاكەن، و يا دووێ كەفارەتێ بدەى دوو هەيڤان سەرێك يا ب رۆژى بى، و هەكە چو بلگە و نيشانێت گۆمانبر نەبن ئەو ژ ئەنجامێ سەرداچۆنێ يێ مرى هنگى پێدڤى ناكەت تو دوو دل ببى و رێكێ بدەيە وەسواسا شەيتانى رۆژێت وى بچويكى هەر هند بوون و خودێ وەسا نڤێسى بوو ب ڤى رەنگى بمريت بەر سينگێ تە و تو يا نڤستى، و خودێ چێتر دزانيت.
