ب / چو رەنگێت عيبادەتى و وەستيانێ د بەحەشتێدا نينن، خودێ مەزن دبێژيت: ((إِنَّ الْمُتَّقِينَ فِي ظِلَالٍ وَعُيُونٍ))(( ادْخُلُوهَا بِسَلَامٍ آمِنِينَ))(( وَنَزَعْنَا مَا فِي صُدُورِهِمْ مِنْ غِلٍّ إِخْوَانًا عَلَى سُرُرٍ مُتَقَابِلِينَ))(( لَا يَمَسُّهُمْ فِيهَا نَصَبٌ وَمَا هُمْ مِنْهَا بِمُخْرَجِينَ)) ب راستى پارێزكار د ناف باغ و كانياندانە. ب سلامەتى و ئێمنى هەرنە د ناف وان باغ و كانياندا. و مە ئەو كەرب و كينا د دلێت واندا هەى ئينا دەر، ڤێجا ئەو برا وەكى برايێت ئێك ل سەر تەختان بەرانبەرى ئێكن. تێدا د بەحەشتێدا ناوەستن، و ئەو ژێ نائێنە دەرئێخستن. و خودێ مەزن ئەو خۆشى و لەزەت يێت كرينە د بەحەشتێدا بۆ بەحشتيان نە چاڤان ديتين و نە گوهان گولێبووين و نە كەفتينە سەر دلي، هەروەكي د حەديسا قودسيدا هاتى ئەوا بوخارى و موسلمى ژ ئەبو هورەيرە (خودێ ژێ رازی بیت) ڤەگێراى ((قَال رسُولُ اللَّهِ صَلّى اللهُ عَلَيْهِ وسَلَّم: « قَال اللَّه تَعالَى: أَعْددْتُ لعِبادِي الصَّالحِينَ مَا لاَ عيْنٌ رَأَتْ، ولاَ أُذنٌ سَمِعتْ ولاَ خَطرَ علَى قَلْبِ بَشَرٍ، واظرؤوا إِنْ شِئتُمْ: ((فَلَا تَعْلَمُ نَفْسٌ مَا أُخْفِيَ لَهُمْ مِنْ قُرَّةِ أَعْيُنٍ جَزَاءً بِمَا كَانُوا يَعْمَلُونَ)) پێغەمبەرێ خودێ (سلاڤێت خودێ لێ بن) گۆت: خودايێ مەزن گۆت: من بۆ بەندەيێت خۆ يێت كێرهاتى و راستكار يێ بەرهەڤكرى: تشتێ نە چاڤان ديتى و نە گوهان گولێ بووى و نە كەفتيە سەر دلێ چو مرۆڤان، بخوينن هەكە هەوە بڤێت: كەس نوزانيت چ خەلات يێ بۆ وان هاتيە ڤەشارتن، چاڤێت وان پێ رۆن ببن و ب ديتنا وى شاد ببن، ژ بەر وان كار و كريارێت وان دكرن. و حەديسێت بەردەستێ مە دياردكەن ژنێ د بەحەشتێدا دەرسۆكا هەي و بەس دەرسۆكا وێ دنيايێ و هندى تێدا دئينيت، بەلێ دێ كەتە سەرێ خۆ يان دانيتە سەر سەرێ خۆ.. ئەم نوزانين، بەلێ چاڤێت زەلامان و ژنان ژ غەيرى ئێك و دوو د گرتينە. پێغەمبەر (سلاڤێت خودێ لێ بن) دبێژيت هەروەكى بوخارى ژ ئەنەسێ كورێ مالكى ڤەدگێريت (خودێ ژێ رازی بیت) دبێژيت: پێغەمبەرى (سلاڤێت خودێ لێ بن) گۆت: ((لَرَوْحَة في سَبِيلِ اللَّهِ أو غَدْوَة خَيْرٌ من الدُّنْيا وما فيها وَلَقَابُ قَوْسِ أَحَدِكُمْ من الْجَنَّة أو مَوْضعُ قِيدٍ يعْنِي سَوْطهُ خَيْرٌ من الدُّنْيا وما فيها وَلَوْ أَنَّ امْرَأَة من أَهْلِ الْجَنَّة اطلَعَتْ إلى أَهْلِ الأرض لَأَضاءَتْ ما بَيْنَهُمَا وَلَمَلَأَتْهُ ريحًا وَلَنَصِيفُهَا على رَأْسِهَا خَيْرٌ من الدُّنْيا وما فيها)) چۆنەكا ئێڤارى بۆ خودێ يان چۆنەكا سپێدێ بۆ خودێ ژ دنيايێ و ژ تشتێت ل سەر دنيايێ چێترە. و ب راستى هندى كڤانێ ئێك ژ هەوە ل بەحەشتێ يان جهێ قامچيا ئێك ژ هەوە ل بەحەشتێ ژ دنيايێ و ژ تشتێت ل سەر دنيايێ چێترە، و هەكە ژنەك ژ بەحەشتيان ديار ببا بەرێ خۆ دابا خەلكێ عەردى دا د ناڤبەرا عەرد و عەسماناندا رۆنكەت و دا پرى بهێنخۆشي كەت، و دەرسۆكا وێ ل سەر سەرێ وێ ژ دنيايێ و هندى د دنيايێدا چێترە، و خودێ چێتر دزانيت.
