ب / هيڤيا مە ئەوە خودێ ترسا خۆ پتر ل دەف تە زێدەكەت، و ڤيانا عيبادەتى ل دەف تە پتر لێ بكەت، و خودێ ژ تە قەبويل بكەت يا تو دكەى، و تە پتر پێڤە گرێدەت، و دڤێت ئەم بزانين هەرتشتێ مرۆڤى كر چ گونەه بن چ خێربن، كێم بن گەلەك بن دێ بينيت و خەلات و سزايێ وان دێ بينيت لەوا خودێ مەزن دبێژيت: ((يَوْمَئِذٍ يَصْدُرُ النَّاسُ أَشْتَاتًا لِيُرَوْا أَعْمَالَهُم))(( فَمَنْ يَعْمَلْ مِثْقَالَ ذَرَّةٍ خَيْرًا يَرَهُ))(( وَمَنْ يَعْمَلْ مِثْقَالَ ذَرَّةٍ شَرًّا يَرَهُ)) رۆژا قيامەتێ مرۆڤ دێ ب تەرابەرايى و شەپرزەيى ژ گۆران رابن، دا كار و كريارێت خۆ ببينن. ڤێجا هەركەسێ تەمەت گرانيا پرتا ژ هەميان بچويكتر قەنجيێ بكەت، دێ خەلاتێ وێ قەنجيێ بينيت. و هەركەسێ تەمەت گرانيا پرتا ژ هەميان بچويكتر خرابيێ ژى بكەت، دێ جزايێ وێ خرابيێ بينيت. و د ئايەتەكا ديدا خودێ مەزن دبێژيت: ((يَوْمَ تَجِدُ كُلُّ نَفْسٍ مَا عَمِلَتْ مِنْ خَيْرٍ مُحْضَرًا وَمَا عَمِلَتْ مِنْ سُوءٍ تَوَدُّ لَوْ أَنَّ بَيْنَهَا وَبَيْنَهُ أَمَدًا بَعِيدًا وَيُحَذِّرُكُمُ اللَّهُ نَفْسَهُ وَاللَّهُ رَءُوفٌ بِالْعِبَادِ)) رۆژا هەر ئێك چ خێرا كرى بەرچاڤ دبينيت، و چ خرابيا كرى ژى وەسا دبينيت، هنگى وى پێ خۆشە، دەمەكێ دوير و درێژ، د ناڤبەرا وى و وان كرياراندا هەبايە و دەفتەرا كار و كريارێت خۆ نەديتبايە. و خودێ هەوە هشيارى خۆ دكەت (ژ خۆ دترسينيت)، و خودێ د راستا بەندەيێت خۆدا پر دلۆڤانە. و هيڤيا مە ئەوە كا چاوا تو گوهداريا خودێ د نڤێژاندا دكەى هۆسا گوهداريا خودێ د جلكاندا بكەى، كا چاوا ئەمرێ ويە: ((وَأَقِيمُوا الصَّلَاة)) و تو ڤى ئەمرى ب جه دئينى هۆسا پێگرى ب جلكێت شەرعى ژى ئەمر و فەرمانا ويە، دبێژيت: ((وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاءِ بُعُولَتِهِنَّ أَوْ أَبْنَائِهِنَّ أَوْ أَبْنَاءِ بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُولِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاءِ وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ وَتُوبُوا إِلَى اللَّهِ جَمِيعًا أَيُّهَ الْمُؤْمِنُونَ لَعَلَّكُمْ تُفْلِحُونَ)) و بێژە ژنێت خودان باوەران بلا چاڤێت خۆ ژ بەرێخۆدانا نەدورست و حەرام وەرگێرن، و بلا دەهمەن و نامويسا خۆ بپارێزن، و بلا جهێ خەمل و چەكێت خۆ كو جهێ بازن و حنجۆل (خلخال) و گوهار و رستكێت حەفكێ و رستكێت دكەڤنە سەر سينگى و تۆقا سەرى دەرنەئێخن، و بۆ بيانيان ديارنەكەن، ژبلى جهێ دياربوونا، وێ ب ڤێ نەڤێ، و بێى ئنيەتا خراب وەكى هەردوو دەست و سەروچاڤان و گوستيرك و كلێ چاڤان، و بلا دەرسۆكا خۆ ب سەر سينگێ خۆدا بەردەن بلا دەرسۆكا وان، پرچ و ستۆ و سينگێ وان، ژ بيانيان ڤەشێريت، و بلا جهێ خەملا خۆ ژبلى هەردوو دەست و سەروچاڤان و جوانيا خۆ يا سينگى و پرچێ و لنگان، بۆ كەسێ ديار نەكەن، ژبلى بۆ زەلامێت خۆ يان بابێت خۆ يان خەزويرێت خۆ يان زارۆكێت خۆ يان نەڤيێت خۆ يان زارۆكێت زەلامێت خۆ، ئانكو: نەڤسيێت خۆ يان برايێت خۆ يان برازايێت خۆ يان خوارزايێت خۆ يان ژنێت دگەل خۆ بۆ خزمەتێ يان هەڤالينيێ يان جاريێت خۆ، يان ئەو زەلامێت تێكەليا وان دكەن ئەوێت هەوجەيى ب ژنان نەمايى وەكى خولام و پالە و ساويلكەيان، يان بچويكێت چو ژ شەهوەتێ نەزانن، و ب سەر شەرمگەها ژنان هەلنەبووين، و بلا پێت خۆ ل عەردى نەدەن، دا چەكێ خۆ يێ ڤەشارتى حنجۆلێت پيان ئاشكەرا بكەن، و هوين هەمى گەلى خودان باوەران تۆبە بكەن، دا سەرفەراز ببن. ديسا هەر خودێ مەزن ئەمر دكەت: ((يَا أَيُّهَا النَّبِيُّ قُلْ لِأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِنْ جَلَابِيبِهِنَّ ذَلِكَ أَدْنَى أَنْ يُعْرَفْنَ فَلَا يُؤْذَيْنَ وَكَانَ اللَّهُ غَفُورًا رَحِيمًا)) ئانكو: هەى پێغەمبەر بێژە هەڤسەرێت خۆ و كچێت خۆ و ژنێت موسلمانان بلا جلبابێت خۆ (كراسێ ئێك پارچە يێ لەشى هەميێ دگريت) ب سەر خۆدا بەردەنە خوارێ، ئەڤە باشترە پێ بێنە نياسين (كو ژنێت ئازانە، نەجێرينە) و ئەزيەت بۆ وان چێ نەبيت، و خودێ يێ گونەه ژێبەر و دلۆڤانە (ل وان ناگريت ئەگەر هەتا نوكە جلبابێت خۆ ب سەر خۆدا نەبەردابنە خوارێ). و جلباب ئەو جلكە يێ ئێك پارچە و هەمى لەشێ ژنێ دگريت و دويماهيێ مەرجێت جلكێت ژنێ ب كورتى ئەڤەنە:
دڤێت لەشێ ژنێ هەميآ ژبلى دەست و سەر وچاڤان و پيان بگريت و دڤێت زێدە يێ چاڤكێش نەبيت، و ژ وان جلكان بيت يێت تايبەت ب ژنێ و ژن بكەنە بەر خۆ و نەوەكى جلكێت زەلامان بيت ئەوێت تايبەت ب زەلامانڤە و نەوەكى جلكێت ژنێت بێ سنج بيت و يێ تەنگ نەبيت و يێ تەنك نەبيت لەشێ وێ تێرا بهێتە ديتن. خودێ مەزن د ئايەتەكا ديدا ئەمر دكەت: ((وَلَا تَبَرَّجْنَ تَبَرُّجَ الْجَاهِلِيَّةِ الْأُولَى)) و جوانيا خۆ ئاشكەرا نەكەن وەكى ئاشكەراكرنا سەر وەختێ نەزانينا بەرێ ب رێڤەچۆنەكا شكەستن و خوار و ڤيچ و نازدارى تێدا، ڤێجا خويشكا هێژا بشێ شەيتانێ خۆ و بهۆستەكا دى ژى وەرە و جلكێت شەرعى ژى بكە بەر خۆ و پێگربە پێ و گوهدارى هەمى ئەمرێت خودێبە وەكى ئێك هۆسا دێ سەركەڤى، و خودێ چێتر دزانيت.
