ب / دڤێت ئەم بزانين گەلەك پرسێت جڤاكى ب رێز و سەروبەرانڤە د گرێداينە و ئەو دێ هێنە وەرگرتن يێت جوداهي دگەل شەريعەتى نەى، و هەر پرسەكا جودا دگەل شەريعەتى ناهێتە وەرگرتن، و شويكرنا كچا بچويك بەرى يا مەزن پرسەكا رێز و سەروبەرانە و نەواجبە د شەريعەتيدا، و هەكە رزقێ كچا بچويك هات و ئێكێ هەڤكويف خواست و خودان دين و ئەخلاق بيت دورستە ئەو بەرى خويشكا خۆ يا ژ خۆ مەزنتر شويكەت و چو گونەه ل سەر نينە بلا ب دلێ يا مەزن ژى نەبيت، چونكى چو بۆ مە نەهاتيە زانين ژ دەقێت شەرعى ژ قورئان و حەديسێ كو نابيت يا بچويك بەرى يا مەزن شويكەت، بەلكى پێغەمبەر (سلاڤێت خودێ لێ بن) دبێژيتە دايبابان هەكە يێ ديندار و خودان سنج و ئەخلاق هات كچا هەوە خواست ـ چ يا بچويكتر يان يا مەزنتر ـ بدەنێ دبێژيت: (إذا جاءكم من ترضون دينه وخلقه فأنكحوه إلا تفعلوه تكن فتنە في الأرض وفساد عريض) گەلى دايبابان و سەركارێت كچان هەكە ئەو هات كچێت هەوە بخوازيت يێ هوين ژ دين و ئەخلاقێ وى رازى بدەنێ، و هەكە وەنەكەن دێ بەلا و خرابيەكا مەزن د عەرديدا چێبيت. هەژيە بێژين پێغەمبەرى (سلاڤێت خودێ لێ بن) سێ جاران ئەڤ ئاخفتنە دوبارەكر دا دايباب و سەركاران چو هێجەت نەمينن ديندار و ئەخلاقداران ڤەگێرن، و خودێ چێتر دزانيت.
