ب / ئەگەر ژن پێدڤى چارەسەريێ بوو، و نوژدارا ژن هەبيت و وێ شيان و شارەزايا پێدڤى و خواستى هەبيت، نابيت ئەو نوژدارا ژن بهێليت و قەستا نوژدارێ زەلام بكەت، بەلێ هەكە نوژدارا ژن ل ئاستێ زانستى يێ پێدڤى نەبيت و شيانێت وێ د تخويبكرينە و يا نەچاربيت دورستە بچيتە دەف نوژدارێ زەلام، هنگى تخويبێ پێدڤى تنێ دورستە بۆ زەلامى ببينيت يان دەستێ خۆ بكەتێ، هەكە ژ وى تخويبى زێدەتر دختۆرى ديار و بەرچاڤ و بەردەستكر هنگى يێ گونەهكارە، چونكى خودێ مەزن دبێژيت: ((فَمَنِ اضْطُرَّ غَيْرَ بَاغٍ وَلَا عَادٍ فَلَا إِثْمَ عَلَيْهِ إِنَّ اللَّهَ غَفُورٌ رَحِيم)) بەلێ هەر كەسەكێ نەچار ببيت، بێى دل تێ هەبيت و بەس هەوجەييا خۆ پێ بقەتينيت، چو گونەه ل سەر نينە، ب راستى خودێ گونەه ژێبەر و دلۆڤانە. و ژ ڤێ ئايەتێ فقهزانان شەنگستەكێ فقهى يێ مەزن دانايە (الضرورات تبيح المحذورات) پێدڤى قەدەغەكريان دورست دكەت، بەلێ ئەڤ شەنگستە ژى نەيێ ڤەكريە ب شەنگستەكێ دى يێ هاتيە گرێدان ئەو ژى ئەڤەيە (والضرورات تقدر بقدرها) و پێدڤى دويف پێدڤيا خۆيە، ئانكو هەكە پێدڤى بيت نوژدار لەشێ ژنێ ببينيت كا چەند پێدڤيە چار تل نابيت ئەو پێدڤى چار تلان زێدەتر لێبهێت، و خودێ چێتر دزانيت.
