ب / ئەڤە هزرەكا خەلەتە و نە د جهێ خۆدايە و پێدڤيە ئەم كارێت خۆ نە ژبەر خەلكى بكەين و نە ژبەر وان بهێلين هەكە مە كر يان مە هێلا، چونكى خودێ مەزن يان پێغەمبەرێ وى (سلاڤێت خودێ لێ بن) هۆسا ژ مە ڤيايە هێلانا كارێ باش ژبەر خەلكى ئەڤە رويمەتيە و كرنا كارێ باش ژبەر خەلكى نەدويرە بكێشيتە شركێ، چونكى خودێ مەزن د حەديسا قودسيدا دبێژيت دويف ڤەگێرا موسلمى (خودێ ژێ رازی بیت): (قَالَ اللَّه تعَالى: أنَا أغْنى الشُّرَكَاءِ عَنِ الشِّركِ، منْ عَملَ عَمَلا أشْركَ فيهِ مَعِى غَيْري، تَركْتُهُ وشِرْكَهُ) خودايێ مەزن دبێژيت: ب راستى ئەز ژ هەمى شريكان بێمەنترم ژ شريكيێ (ئانكو ئەز پێدڤى شريكى نينم و هەوجەيى پێ نينە) ڤێجا هەركەسێ كارەكى بكەت ئێكێ دى ل من پشكداركەت، ئەز قەبويل ناكەم و دێ بۆ يێ دى هێلم. و ديسا د ڤەگێرا نەسائيدا دبێژيت: (إن الله لا يقبل من العمل إلا ما كان له خالصا وابتغى به وجهه) خودێ ژ كارى قەبويل ناكەت ئەو نەبيت يێ سپەهى و خۆسەر و رويێ وى پێ ڤيابيت. و زانايێ خودێ ناس فوزەيلێ كورێ عەيازى (خودێ ژێ رازی بیت) دبێژيت: (ترك العمل من أجل الناس رياء والعمل من أجل الناس شرك والإخلاص أن يعافيك الله عنهما) هێلانا كارى ژ بەر خەلكى رويمەتيە و كرنا كارى ژ بەر خەلكى شركە و دلسۆزى ئەوە خودێ تە ژ هەردووكان سلامەت و رزگاركەت، و خودێ چێتر دزانيت.
