ب / هەكە ئامان يێ فرەه بيت و دەستێت وان تێكەل نەبن و جلكێت شەرعى ل بەربن و باوەرى هەبيت فتنە دورست نابيت و ئەڤە ناكێشيتە چو خرابيێ دورستە، و نەحەرامە ژن و زەلام دگەل ميڤانێ خۆ بخۆن، و د ڤەگێرا موسلميدا يا هاتى ژ ئەبو هورەيرە (خودێ ژێ رازی بیت) دبێژيت: زەلامەك هاتە دەف پێغەمبەرى (سلاڤێت خودێ لێ بن) و گۆت: ئەز يێ وەستيايمە، سەحكرە كابانيەكا خۆ گۆت: ئەز ب وى كەمە يێ تو ب حەقيێ هنارتى چو ل دەف من نينە ئاڤ نەبيت، پاشى سەحكرە ئێكا دى، وەكى وێ گۆت، حەتا هەميان وەكى وێ گۆتين: ئەز ب وى كەمە يێ تو ب حەقيێ هنارتى چو ل دەف من نينە ئاڤ نەبيت، ئينا پێغەمبەرى (سلاڤێت خودێ لێ بن) گۆت: كى دێ ڤى ئەڤ شەڤە مێڤان كەت، زەلامەكى ژ هاريكاران گۆت: ئەز يا پێغەمبەرێ خودێ، و برە جهێ خۆ و گۆتە ژنا خۆ تشتەك دەف تە هەيە؟ گۆت: نە، ژبلى خوارنا بچويكێت من، گۆتێ: وان ب تشتەكيڤە مژويلكە، و هەكە شيڤ ڤيا بنڤينە، و هەكە مێڤانێ مە هاتە ژۆر، چراى ڤەمرينە، و هۆسا نيشا بدە كو ئەم يێ دخۆين، روينشتنە خوارێ و مێڤانى خوار و ئەو برسى و سەر وى زكى نڤستن، و دەمێ لێ بوويە سپێدە چۆ دەف پێغەمبەرى (سلاڤێت خودێ لێ بن) ئينا گۆتێ: ب راستى خودێ ژ كارێ هەوە يێ شڤێدى رازى بوو. د حەديسێدا ديارە دبيت زەلامێ مالێ و ژنا وى دگەل ميڤانى رونشتنە خوارێ و وەسا بۆ ئاشكراكر هەردوو يێ دگەل دخۆن و پێغەمبەر (سلاڤێت خودێ لێ بن) ب ڤێ رەوشێ هاتە ئاگەهداركرن و نەگۆتێ بۆچي ژنا تە ژى دگەل مێڤانى روينشتە خوار بەلكى بەروڤاژى مەدحێت وان كرن و گۆتێ: ب راستى خودێ ژ كارێ هەوە يێ شڤێدى رازى بوو، و خودێ چێتر دزانيت.
