ب / سەرەدان د راستا زەلامى و ژنێدا ئێكە، و خێرا هەردوكان وەكى ئێك دێ هێتە نڤێسين، و حەديسێت هاتين د دەرهەقێ هەردووكان وەكى ئێك يێت هاتين، بەلێ دەمێ ژن دەردكەڤيتە سەرەدانێ پێدڤيە پێگريێ ب رێنمايى و تخويبێت شەرعى بكەت، هەروەسا زەلام ژى، و پێغەمبەرى (سلاڤێت خودێ لێ بن) دەمێ خێرا سەرەدانێ دياركرى ئەڤە پالدان و گەرمكرنە بۆ هەردووكان ل سەر ڤێ خێرێ د رژد و هشيار بن ژ خۆ نەبەن. د ڤەگێرا موسلميدا هاتيە پێغەمبەر (سلاڤێت خودێ لێ بن) ئاخفتنێ ئاراستەى ژن و مێران دكەت دبێژيت: (الْمُسْلمِ عَلَى الْمُسْلِمِ سِتٌّ: إِذا لقِيتَهُ فسلِّم عليْهِ، وإِذا دَعاكَ فَأَجبْهُ، وَإِذا اسْتَنْصَحَكَ فَانْصحْ لهُ، وإِذا عطس فحمِد اللَّه فَشَمِّتْهُ. وَإِذا مرض فَعُدْهُ، وَإِذا ماتَ فاتْبعهُ) حەقێ موسلمانى ل سەر موسلمانى شەشن: هەكە تو گەهشتيێ سلاڤكە سەر، و هەكە تو داخوازكرى بۆ خوارنێ جابا وى بدە، و هەكە داخوازا شيرەت و نەسيحەتێ ژ تە كر وى نەسيحەت و شيرەت بكە، و هەكە بێنژى و گۆت: (الحمد لله) بێژێ: (يرحمك الله) خودێ رەحمێ ب تە ببەت، و هەكە نەساخ بوو سەرا وى بدە، و هەكە مر دگەل جەنازێ وى هەرە. و ل سەر خێرا سەرەدانا نەساخي پێغەمبەر (سلاڤێت خودێ لێ بن) دبێژتە زەلام و ژنان هەروەكى ئيمام عەلى (خودێ ژێ رازی بیت) د ڤەگێرا ترمزيدا بۆ مە دبێژيت: من گول پێغەمبەرێ خودێ بوو (سلاڤێت خودێ لێ بن) دگۆت: نينە موسلمانەك سپێدێ سەرا موسلمانەكى بدەت، هەكە حەفتێ هزار ملياكەت دوعا بۆ نەكەن هەتا لێ دبيتە ئێڤار، و دويماهيا رۆژێ سەرا نادەت هەكە حەفتێ هزار ملياكەت دوعا بۆ نەكەن هەتا لێ دبيتە سپێدە، و فێقيێ چنى بۆ ل بەحەشتێ يێ هەى (ئانكو دێ چيتە بەحەشتێ و فێقى چنيت)، و خودێ چێتر دزانيت.
