ب / ئەو ژنا زەلامێ وێ دچيتە بەر دلۆڤانيا خودێ و ئێتيم دميننە ستۆيێ وێدا و خەمێ ژ وان دخۆت و دمينيتە سەر ئێتيمێت خۆ و وەكى خودێ ڤياي پەروەردەكەت هەتا مەزن دبن و تەقوا خودێ دكەت د راستا خۆ و ئێتيمێت خۆدا ژى پێغەمبەر (سلاڤێت خودێ لێ بن) دبێژيت: (أنا أول من يفتح له باب الجنة إلا أنه تأتي امرأة تبادرني فأقول لها ما لك من أنت فتقول أنا امرأة قعدت على أيتام لي) ئەز يێ ئێكێمە دەرگەهێ بەحەشتێ بۆ ڤەدبيت.. ژنەك كار دكەت دگەل من بێت يان دويف منرا بهێت، ئەز دێ بێژمێ تە خێرە تو كى؟ دێ بێژيت: ئەز ژنەكم ل سەر ئێتيمێت خۆ روينشتيم. و خودانێ فەتحێ (خودێ ژێ رازی بیت) دبێژيت: رێكا وێ خرابى تێدا نينە. ديسا پێغەمبەر (سلاڤێت خودێ لێ بن) د حەديسەكا ديدا ل سەر بهايێ وێ دبێژيت: (ثلاثة في ظل العرش يوم القيامة يوم لا ظل إلا ظله واصل الرحم يزيد الله في رزقه ويمد في أجله وامرأة مات زوجها وترك عليها ايتاما صغارا فقالت لا أتزوج أقيم على أيتامي حتى يموتوا أو يغنيهم الله وعبد صنع طعاما فأضاف ضيفة وأحسن نفقته فدعا إليه اليتيم والمسكين فاطعمهم لوجه الله عز وجل) سێ مرۆڤان خودێ دێ ئێخيتە بن سيبەرا خۆڤە، رۆژا چو سيبەر نەبن سيبەرا وى نەبيت، يێ دگەل مرۆڤێت خۆ باش، خودێ دێ رزقێ وى بەرفرەهكەت و ژيێ وى درێژكەت، و ژنا زەلامێ وآ مرى و ئێتيمێت بچويك بۆ هێلاين بێژيت: ئەز شوى ناكەم و دێ ل سەر ئێتيمێت خۆ بم هەتا دمرن يان خودێ وان مەزن دكەت و بێ منەت دبن، و مرۆڤەك خوارنەكێ چێكەت و بەرفرەه و مەزاختنەكا باش لێ بكەت و ئێتيم و هەژاران داخوازكەتێ و خوارنێ بۆ رازيبوونا خودێ بدەتە وان، و خودێ چێتر دزانيت.
