ب / كريارا پێغەمبەرى (سلاڤێت خودێ لێ بن) ل دەف ئوصوليزانان رامانا موباحيێ ددەت نە رامانا كرنا سونەتێ، و هەكە پێغەمبەرى (سلاڤێت خودێ لێ بن) عائيشا دايكا مە موسلمانان ئينابيت و ئەو يا بچويك پا هەڤژينێت دى يێت پێغەمبەرى (سلاڤێت خودێ لێ بن) هەمى د مەزن بوون و هەمى بيژن بوون، و هەڤژينا وى يا ئێكێ پازدە سالان ژ وى مەزنتر بوو، بۆچى كەس نابێژيت سونەتە مرۆڤ بيژنان بينيت چونكى هەڤژينێت پێغەمبەرى (سلاڤێت خودێ لێ بن) عائيشا (خودێ ژێ رازی بیت) تێ نەبيت يێت دى هەمى بيژن بوون، يان بێژن سونەتە زەلام يا ژ خۆ مەزنتر بينيت نەخاسمە ب پازدە سالان، چونكى دايكا مە موسلمانان خەديجا (خودێ ژێ رازی بیت) پازدە سالان ژ پێغەمبەرى (سلاڤێت خودێ لێ بن) مەزنتر بوو، هۆسا بۆ مە ديار بوو زوى شويكرن دورستە بەلێ نەسونەتە و نەموستەحەبە، و هەر رەوشەكێ حوكم و فەرمانا خۆ يا تايبەت يا هەى، هەكە ئێكا بچويك نەهێتە پاراستن و دێ كەڤيتە د خەلەتيێت مەزندا.. هەكە شوي نەكەت و يا بالغە و د دەرهەقێ وێدا شويكرنا زوى باشترە و هۆسا، و خودێ چێتر دزانيت.
