ب / مال نينە جرە تێدا نەهێتكرن، بەلێ دگەل هندێ ژى دڤێت ئەم جوداهيێ بێخينە د ناڤبەرا هەڤپەيڤينێ و جرەبر و دان و ستاندنێ جرەبر د ناڤبەرا هەڤژيناندا هندى كێم ببيت باشترە، چونكى ئەنجامێت جرەبرێ نەدباشن، بەلێ دان و ستاندن و هەڤپەيڤينەكا نەرم و يا سەر خۆ بێتەكرن دا بگەهنە ئەنجامێت باش كارەكێ جوانە، دگەل هندێ ژى دڤێت ژن و مێر هەردوو لێبۆرينێ ژ ئێكدوو بخوازن و ژ ئێك و دوو وەرگرن، و بلا بزانن خۆگرانكرن و نەوەرگرتنا عوزرێ نەكارەكێ جوانە و بەروڤاژى سنج و ئەخلاقێ قورئانا پيرۆزە، خودێ مەزن د قورئانا خۆ يا پيرۆزدا دبێژيت: ((خُذِ الْعَفْوَ وَأْمُرْ بِالْعُرْفِ)) لێنەگرتنێ و كار و ئاليێ ساناهى بگرە، و فەرمانێ ب كار و كريارێت قەنج بكە، و چەند حەديس هاتينە هەرچەندە ئاخفتن ژى ل سەر هەميان يا هەي د لاوازن هەردووكێت ئێكێ تەبەرانى ڤەگێراينە و يا سيێ حاكمى ڤەگێرايە، بەلێ ب كێر دهێن ئەم بەلگە بدانين لێبۆرين خوازيا هەڤالێ خۆ وەرگرين (من اعتژر إليه أخوه بمعژرە فلم يقبلها كان عليه من الخگيئە مپل صاحب مكس) هەركەسێ برايێ وى داخوازا لێبۆرينێ ژێ كر و ئازانەكر گونەها وى وەكى خودانێ باجێيە (يێ ژ نەهەقى دەهێكێ و خويكێ وەردگريت) (من اعتذر إلى أخيه المسلم فلم يقبل عذره لم يرد عليّ الحوض) هەركەسێ برايێ وى داخوازا لێبۆرينێ ژێ خواست و ئازانەكر دگەل من ناهێتە سەر ئاڤا كەوسەرێ (ومن أتاه أخوه متنصلا فليقبل ذلك منه محقا كان أو مبطلا فإن لم يفعل لم يرد علي الحوض) هەركەسێ برايێ وى هاتە دەف و داخوازا لێبۆرينێ ژێ بكەت بلا ژێ قەبويلكەت چ يێ حەق بيت يان نە، هەكە وەنەكەت ئەو دگەل من ناهێتە سەر ئاڤا كەوسەرێ، هۆشدار و عاقلمەند دبێژن: يێ داخوازا لێبۆرينێ ژ تە دكەت ئێك ژ سێ مرۆڤانە و هەرسێ هەژينە تو لێ ببۆرى: يان دێ بێژيتە تە ببۆرە من نەكريە، هەكە وى نەكربيت بۆ چى دێ كەربێ ژێ راكەى، يان دێ بێژيتە تە: بەلێ من يێ كرى بەلێ ببۆرە ژبەر ڤى ئەگەرى و ئەگەرى من يێ كرى و ژ قەستا من نەكريە ئەڤە ژى ديسا هەژيە تو لێ ببۆرى، يان دێ بێژيتە تە: من يێ كرى بەلێ ببۆرە ئەز يێ خەلەت بوويم و جارەكا دى وەناكەمەڤە، ئەڤى ئێك جار دڤێت ئازاكەى و لێ ببۆرى، و خودێ چێتر دزانيت.
