ب: هەرگاڤا تێكەلى ژ تخويب و چارچۆڤێ پێدڤى دركەفت، حەرامە و نەدورستە، نەخاسمە دگەل وى مامۆستايێ نەنڤێژكەر و تێكەليا وى ژ سەرئێشيێ زێدەتر نەگەهينيتە قوتابى، چونكى د كەڤندا يا گۆتى (فاقد الشيئ لا يعطي) يێ چو نەى چو نادەت ژى، هەكە يێ باشبا دا رێكا خودێ گريت و رێكا خودێ خۆ بەر نەددا و يێ نڤێژكەر ژى ژ گونەهێ نەيێ پاراستيە دڤێت ژ تخويبێت بەرعەقل نەدەركەڤيت و دڤێت تخويبێت گشتى يێت تێكەليا كچ و كوران بێنە پاراستن، ئەو تخويب ژى ئەڤنە:
تخويبێ ئێكێ: دڤێت كارێ بۆ تێكەليێ دكەت يێ حەلال بيت و حەرامى تێدا نەبيت.
تخويبێ دووێ: پێگريێ ب جلكآ خۆ يێ شەرعى بكەت و مەرجێت جلكى هەميان ب جه بينيت.
تخويبێ سيێ: ئاوايێ رێڤەچۆنا وى دگەل مامۆستا يێ ئاسايى بيت و نەبيتە ئەگەرێ چاڤزڤراندنێ، هەروەكى خودێ مەزن دبێژيت: ((وَلَا تَبَرَّجْنَ تَبَرُّجَ الْجَاهِلِيَّةِ الْأُولَى))و جوانيا خۆ ئاشكەرا نەكەن وەكى ئاشكەراكرنا سەر وەختێ نەزانينا بەرێ ب رێڤەچۆنەكا شكەستن و خوار و ڤيچى و نازدارى تێدا، و ديسا هەر ل سەر ڤى بابەتى دبێژيت: ((وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِنْ زِينَتِهِنَّ)) و بلا پێت خۆ ل عەردى نەدەن، دا چەكێ خۆ يێ ڤەشارتى حنجۆلێت پيان ئاشكەرا بكەن، ئانكو: رێڤەچۆنا وێ يا وەسا نەبيت بێژتە غەيرى خۆ بەرێ خۆ بدە من.
تخويبێ چارێ: دڤێت ئاوايێ ئاخفتنێ بەرچاڤ وەرگريت و نازك و نازداري دگەل مامۆستايێ خۆ نەئاخڤيت، چونكى ئاخفتنا نازك و نازدارى تێدا، نامێت خەلەت بۆ يێ بەرامبەر دهنێريت، و شەيتان دلێ وى خەلەت دكەت، و د بەر خەلەتيێرا دبەت، خودێ مەزن دبێژيت: ((يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا)) ئانكو: گەلى ژنێت پێغەمبەرى هوين نەوەكى چو ژنكێت دينە، ئەگەر هوين تەقوايا خودێ بكەن، ڤێجا ئاخفتنا خۆ ب نازكى نەكەن وەختێ هوين دگەل زەلامان دئاخڤن، دا ئەوێ نەساخى و خرابى د دليدا هەى تەمايى نەكەفتە دلى، و ئاخفتنەكا عەدەتى باخڤن.
تخويبێ پێنجێ: هند ئاخفتنێ دگەل مامۆستا بكە هندى هەوجەيى دخوازيت و پێدڤى و زێدەتر نە، و دڤێت ئەم بزانين باراپتر ژ خەلەتيێت د ناڤبەرا ژن و زەلاماندا رويددەن ب رێيا ميانەتا زێدەيە و ئاخفتنا درێژيێ ددەتە خۆ و يا سوحبەت دكێشيتە سوحبەتێ بێى هەوجەيى.
تخويبێ شەشێ: چاڤگرتنە ژ بەرێخۆدانا حەرام و نەدورست، دڤێت ئەڤ تخويبە بەرچاڤ بێنە وەرگرتن د ناڤبەرا مامۆستا و قوتابيا وى يا كچدا يان د ناڤبەرا قوتابيا كچدا و مامۆستايێ وێ يێ زەلامدا، هەكە نە.. هەر تێكەليەكا هەبيت نەيا دورستە، و خودێ چێتر دزانيت.
