ب / دڤێت ئەم د ئازاديێ بگەهين، و ئازاديا ڤەكرى و بێ تخويب د دنيايێدا نينە، ئازادى هند مافێ مرۆڤيە هندى نەدەتە سەر ئازاديا كەسەكێ، بۆ نموونە: ئەرێ خودانێ ترومبێلێ يێ ئازادە هەر جهێ هەبيت لێ راوەستينيت! ئەرێ يێ ئازادە سايدێ دڤێت لێ بچيت! ئەرێ يێ ئازادە لەزا بڤێت بكەت! ئەرێ يێ چۆ د جهەكيڤە و ديت سرا و رێز يا راوەستيايە يێ ئازادە گوهێ خۆ نەدەتە سەر و سەرێ رێزێ راوەستيت! ئەرێ مرۆڤێ ئازادە ل نيڤا سويكێ دەنگێ ژ هەميان بلندتر بدەتە راديۆيا خۆ و پويتە ب كەسێ نەكەت! ئەرێ نيڤا شەڤێ تو يێ ئازادى دەنگێ سەماعان بلندكەى و سترانا تە دڤێت گوهێ خۆ بدەيێ! و ئەم دشێين هزارەها پسيارێت ژ ڤى رەنگى بينين، دێ بێژيە من: نەخێر ئەو نەيێ ئازادە، و چو ملەت ڤى رەنگێ ئازاديا بێ تخويب قەبويل ناكەن، و ئازادى يا رێژەكريە، و ئيسلام هۆسا نيشا مە ددەت: هەكە ژنێ ئەڤ جلكێ شەرعى نەكرە بەر خۆ دێ زيان چێبيت، دێ بيتە ئەگەرێ خرابيێ، دا ئەڤە دورست نەبيت دڤێت ئەو جلكێ شەرعى بكەتە بەر خۆ و يا موسلمان بيت نابيت ئەو جلكان دژى ئازاديا كەسايەتى بدانيت هەكە وەسا بيت هەمى ئەحكامێت ئيسلامێ وەسانن، و ئەڤە گەلەك و گەلەك و گەلەك يا خەلەتە و نەيا دورستە، جلك فەرمانەكە ژ فەرمانێت ئيسلامێ، و كا چاوا دڤێت ئەم خۆ تەسليمى خودێ و پێغەمبەرى (سلاڤێت خودێ لێ بن) بكەين و هەمى فەرمانان وەرگرين هۆسا جلكى ژى دڤێت وەرگرين كو فەرمانەكە وەكى نڤێژێ و رۆژيێ و حەجێ و زەكاتێ و هەمى فەرمانێت دى. و خودێ مەزن د ڤێ ئايەتێدا بۆ ژنان ديار دكەت دڤێت د چاوابن بەرامبەر فەرمانا خودێ د راستا جلكاندا دەمێ ئەمرێ وان دهێتەكرن ئەو جلكێت شەرعى بكەنە بەر خۆ، دبێژيت: ((إِنَّمَا كَانَ قَوْلَ الْمُؤْمِنِينَ إِذَا دُعُوا إِلَى اللَّهِ وَرَسُولِهِ لِيَحْكُمَ بَيْنَهُمْ أَنْ يَقُولُوا سَمِعْنَا وَأَطَعْنَا وَأُولَئِكَ هُمُ الْمُفْلِحُونَ))وەختێ خودان باوەر بۆ حوكمێ خودێ و پێغەمبەرى دئێنە داخوازكرن، دا پێغەمبەر حوكمى د ناڤبەرا واندا بكەت، ئاخفتنا وان بەس ئەڤەيە، دبێژن: مە گولێ بوو، و مە ب جه ئينا، و ئەڤەنە يێت سەرفەراز، و خودێ چێتر دزانيت.
