ب / دەستپێكێ ئەز دبێژمە ڤان ژ خودێ بترسن، ئەڤ كارێ هوين دكەن كارێ دووروى و مونافقانە و سزايێ وان ژى يێ گرانە ئەو و گاور دێ هەڤالێت ئێك بن د جەهنەمێدا، خودێ دبێژيت: ((الْمُنَافِقُونَ وَالْمُنَافِقَاتُ بَعْضُهُمْ مِنْ بَعْضٍ يَأْمُرُونَ بِالْمُنْكَرِ وَيَنْهَوْنَ عَنِ الْمَعْرُوفِ وَيَقْبِضُونَ أَيْدِيَهُمْ نَسُوا اللَّهَ فَنَسِيَهُمْ إِنَّ الْمُنَافِقِينَ هُمُ الْفَاسِقُونَ))(( وَعَدَ اللَّهُ الْمُنَافِقِينَ وَالْمُنَافِقَاتِ وَالْكُفَّارَ نَارَ جَهَنَّمَ خَالِدِينَ فِيهَا هِيَ حَسْبُهُمْ وَلَعَنَهُمُ اللَّهُ وَلَهُمْ عَذَابٌ مُقِيمٌ)) دووروى ژ ژن و مێران ژ ئێكن، ئانكو: هەمى وەكى ئێكن د دووروياتيێدا، فەرمانێ ب خرابيێ دكەن و رێ ل باشيێ دگرن، و دەستێت خۆ دگرن (دمچينن) و قەلساتيێ دكەن، خودێ ژبيركرن فەرمانا وى ب پشت گوهێ خۆڤە هاڤێتن خودێ ژى ئەو هێلان، و دلۆڤانى و كەرەما خۆ ژ وان برى، ب راستى دووروى ئەون يێت ژ رێ دەركەفتين. خودێ بۆ دوورويان ژ ژن و مێران و گاوران ئاگرێ دۆژەهێ بەرهەڤ كريە، ئەو بەسى وانە، و خودێ ئەو يێت ژ دلۆڤانيا خۆ دويرئێخستين، و ئيزايەكا هەروهەر بۆ وان هەيە.
يا دووێ: دەمێ خودێ ئەڤ جلكە ل سەر ژنێ داناى ئارمانج ژێ ژنێت مالا تە چاڤێت پيس و خراب ژێ بێنە وەرگێران، و دەمێ تو بەرێ خۆ ددەيە ژن و كچێت خەلكى تو دورستكەى خەلك بەرێ خۆ بدەتە كچ و ژنێت مالا هەوە.
يا سيێ: بلا ئەو زەلامێ چاڤێ خۆ ژ حەرامى نەدەتە پاش و دەهمان پاك نەبيت ژ كچ و ژنێت مالا خۆ بترسيت، پێغەمبەر (سلاڤێت خودێ لێ بن) هەروەكى د ڤەگێرا حاكميدا هاتى دبێژيت: (عفوا عن نساء الناس تعف نساؤكم) دەهمانپاك بن بەرامبەر ژنێت خەلكى دێ ژنێت هەوە د دەهمانپاك بن، و خودێ چێتر دزانيت.
