ب / خودێ مەزن پەشێمانيا تە بۆ خۆ وەرگريت و بۆ تە ب تۆبەكا دورست دانيت و گونەهێت تە ژێ ببەت. پێغەمبەر (سلاڤێت خودێ لێ بن) دبێژيت: پەشێمانى تۆبەيە، بەلێ فەرە ئەم د گەنجينيا خۆدا ل خۆ د هشياربين و وان كاران نەكەين هەكە مە ڤيان ژێ تۆبە بكەين نەشێين چارەسەركەين، چونكى تۆبا دورست نەبەس پەشێمانيە، بەلكى دورستكرنەڤەيا وێ خەلەتيا هاتيەكرن، خودێ مەزن دبێژيت: ((إِلَّا مَنْ تَابَ وَآمَنَ وَعَمِلَ عَمَلًا صَالِحًا فَأُولَئِكَ يُبَدِّلُ اللَّهُ سَيِّئَاتِهِمْ حَسَنَاتٍ وَكَانَ اللَّهُ غَفُورًا رَحِيمًا)) ژبلى وى يێ تۆبەكرى و باوەرى ئينايى و كار و كريارێت راست و قەنج كرين، ئەڤێت هۆسا، خودێ دێ گونەهێت وان كەتە خێر، ئانكو: دێ گونەهێت وان ژێبەت، و خێران دێ ل جهێ وان دانيت، و خودێ ب خۆ گونەه ژێبەر و دلۆڤانە. بەلێ دڤێت پشتى تۆبێ كار و كريارێت راست و دورست و چاك بكەت، ئەڤێت هۆسا نەبەس دێ گونەهێت وان هێنە ژێبرن، بەلكى دێ ژێبەت و خێران ل شوينێ دانيت، ئانكو: گونەهان دێ ب خێران گوهۆريت، پاشى ئايەتا دويفدا خودێ تۆبا راست و دورست ديار دكەت، دبێژيت: ((وَمَنْ تَابَ وَعَمِلَ صَالِحًا فَإِنَّهُ يَتُوبُ إِلَى اللَّهِ مَتَابًا)) و ئەوێ تۆبە بكەت و پاشى كارەكێ راست و باش بكەت، ب راستى ئەو زڤرينەكا دورست ب بال خودێڤە زڤرى. ڤێجا دڤێت تو هندى بشێى وان وێنەيان بزڤرينى هندى بشێى، و هەكە نەشياي گونەه ب ئانەهيا خودێ ل سەر تە نينە، چونكى خودێ مەزن دبێژيت: ((فَاتَّقُوا اللَّهَ مَا اسْتَطَعْتُمْ)) هندى هوين بشێن ژ خودێ بترسن، پارێزكاريا وى بكەن، يا دووێ: دڤێت كاريێت باش بكەى و راست و دورست بكەى و ب دورستى رێكا خودێ بگرى، و خودێ چێتر دزانيت.
