ب /ئەگەر خەلكێ مالێ كەسێ بيانى د ناڤدا نەبيت باب و برا و خوارزا و برازا و نەڤى بن دورستە يا سەركۆل بيت و نەئەركە بەردەوام دەرسۆك د سەرى بيت، و يێت ژن دشێن ل دەف وان سەركۆل بن، ئەڤەنە: زەلامێت وان، بابێت وان، خەزويرێت وان، زارۆكێت وان، نەڤيێت وان، زارۆكێت زەلامێت وان ئانكو نەڤسيێت وان، برايێت وان، برازايێت وان، خوارزايێت وان، ژنێت دگەل وان بۆ خزمەتێ يان هەڤالينيێ، يان ئەو زەلامێت تێكەليا وان دكەن ئەوێت هەوجەيى ب ژنان نەمايى وەكى خولام و پالە و ساويلكەيان، يان بچويكێت چو ژ شەهوەتێ نەزانن، و ب سەر شەرمگەها ژنان هەلنەبووين، ژبلى ڤان نابيت ئەو دەف كەسێ دى خۆ سەركۆل بكەت، بەلێ هەكە ئەو و زەلامێ خۆ و زارۆكێت خۆ تنێ ل مالن بلا ئازاديا خۆ وەرگريت و دشێت سەرێ وێ يێ بەرداى بيت و چو گونەه ل سەر نينە، بەلێ هەكە تيێ وێ يان پسمامێت وێ يان كورخالەتێت وێ يان جيرانێت وێ هاتنە دەف وان هنگى دويف شەريعەتى ئەڤە بيانينە و نەمەحرەمێت وێنە و نابيت ئەو يا سەركۆل و سەربەرداى بيت، و خودێ چێتر دزانيت.
