ب / پێغەمبەرێ خودێ (سلاڤێت خودێ لێ بن) ئەمرێ مە يێ كرى هەر كريارەكا ئەم بكەين وەسا بكەين وەكى خودێ و پێغەمبەر (سلاڤێت خودێ لێ بن) ژ مە رازى و بنەجه و دورست بكەين دبێژيت: (إن الله عز وجل يحب إذا عمل أحدكم عملا أن يتقنه) خودێ حەژ وى دكەت يێ كارەكى بكەت دورست و بنەجه بكەت، و دەمێ جبريل (سلاڤ ل سەر بن) هاتيە دەف پێغەمبەرى (سلاڤێت خودێ لێ بن) پسيار ژێ كرى ئيحسان چيە؟ ئانكو چاوا دێ كارێ تە يێ بنەجه و دورست بيت. پێغەمبەرى (سلاڤێت خودێ لێ بن) هەروەكى د ڤەگێرا موسلميدا هاتى، گۆت: (أَنْ تَعْبُدَ اللَّه كَأَنَّكَ تَراهُ. فإِنْ لَمْ تَكُنْ تَراهُ فإِنَّهُ يراكَ) كاربنەجهى ئەڤەيە تو خودێ بپەرێسى هەروەكى تو دبينى، و هەكە تو نەبينى ئەو تە دبينيت، ڤێجا هەكە كچ ب ڤى رەنگى دەرسۆكێ بكەتە سەرێ خۆ و هۆسا هەست ب زێرەڤانيا خودێ بكەت وەناكەت و دێ ب دورستى دەرسۆكێ كەتە سەرێ خۆ و هەكە وەكى خودێ و پێغەمبەرى (سلاڤێت خودێ لێ بن) دەرسۆكا خۆ نەكرە سەرێ خۆ بلا بزانيت وێ بێ ئەمريا خودێ كر و خودێ ژێ قەبويل ناكەت، لەوا پێغەمبەر (سلاڤێت خودێ لێ بن) د ڤەگێرا موسلميدا دبێژيت: (مَنْ عَمِلَ عمَلاً لَيْسَ عَلَيْهِ أَمْرُنَا فَهُو ردٌّ) هەركەسێ كارەكى بكەت نەدگەل دينێ مە بيت، ئەو يا پويچە، ئانكو نەيا قەبويلە. و هەكە كچ يا بالغ بيت دڤێت دەرسۆكا وێ پرچا وێ هەميێ بگريت و چو ژێ نەدەركەڤيت، عائيشا دايكا مە موسلمانان (خودێ ژێ رازی بیت)، دبێژيت: ئەسما ـ مەخسد پێ خويشكا وێيە ـ هاتە دەف پێغەمبەرى (سلاڤێت خودێ لێ بن) هندە جلكێت تەنك ل بەر بوون، ئينا پێغەمبەرى (سلاڤێت خودێ لێ بن) گۆتێ: ئەسماْ .. هەكە ژن بالغ بوو نابيت چو ژ وێ بێتە ديتن ئەڤە و ئەڤە نەبيت ـ ئيشارەت كرە دەستێت خۆ و سەر چاڤێت خۆ، ئانكو ژبلى هەردوو دەست و سەروچاڤان نابيت چو جهێ دى ژ لەشێ ژنێ بێتە ديتن، و خودێ چێتر دزانيت.
