ب / هەلبەت ئەڤە پشكەكە ژ حەديسا پێغەمبەرى (سلاڤێت خودێ لێ بن) و ژ ڤەگێرانا موسلميە ژ ئەبى هورەيرەي (خودێ ژێ رازی بیت)، دبێژيت: پێغەمبەرى (سلاڤێت خودێ لێ بن) گۆت (صِنْفَانِ مِنْ أهلِ النَّار لمْ أرَهُما: قَوْمٌ معهم سِياط كأذنَابِ الْبقَر يضربونَ بِها النَّاس، ونِساء كاسياتٌ عارياتٌ مُمِيلاتٌ مَائِلاتٌ، رُؤوسُهُنَّ كَأسْنِمە الْبُخْتِ المائِلَة لا يدْخٌلنَ الجنَّە، ولا يجِدْنَ ريحَهَا، وإنَّ ريحَهَا لَيُوجَدُ مِنْ مسِيرَة كذا وكَذا) دوو جوين ژ خەلكێ جەهنەمێ من نەديتينە: جوينێ ئێكێ: هندەكن قامچى يێت وەكى كوريێت چێلان يێت ڤێ و خەلكى پێ دقوتن، و هندە ژنن ب جلكن و رويسن (ئانكو جلكێت بەر بەلێ لەشێ وان ناگريت يان د رۆنن يان د كورتن) دلێ وان ژ گوهداريێ يێ خوارە و غەيرى خۆ ژى ژ گوهداريێ خوار دكن (يان قەبە و شاهى رێڤە دچن و مل و ستۆيێت خۆ ژ مەزناتى باددەن) سەرێت وان وەكى پشتا حێشترانە ناچنە بەحەشتێ و بێهنا وان ژى ناچيتێ و بێهنا وێ قوناغا هندێ و هندێ دچيت. و ئيمامێ نەوەوى (خودێ ژێ رازی بیت)، دبێژيت (رُؤوسُهُنَّ كَأسْنِمة الْبُخْتِ المائِلَة) ژ وآ دگريت يا پرچەكێ دى يان دەرسۆكا خۆ يان لحافەكێ بێخيتە سەرێ خۆ دا ببيتە گەلەك و نيڤا سەرێ خۆ كۆم بكەت. و هندەكێت دى دبێژن: ئەوە يا سەرێ خۆ هەميێ دكەتە كەزى و پێكڤە ل نيڤا سەرێ خۆ كۆم دكەت دا وەكى پشتا حێشترا بلند ببيت، و ژ رامانا حەديسێ وەكى ئيمامێ نەوەوى (خودێ ژێ رازی بیت) دبێژيت: ئەڤ حەديسە ژ وێ ناگريت ئەوا بەس پرچێ خۆ كۆمكەت و گرێدەت دا د بن دەرسۆكێرا نەدەركەڤيت و ئنيەتا وآ چو دى نەبيت، و خودێ چێتر دزانيت.
