ب / ئەز نوزانم دەمێ تو دچيە ئاهەنگان و ديوانخانێت سوحبەت و سەرهاتيان ژى تو هەر دكەڤيە ڤى كراسي و رەوشێدا، يان بەس ئەڤ كراسە بۆ تە د دەرسێت دينى تنێدا پەيدا دبيت، هەكە ئەڤە بەس بۆ تە د دەرسێت دينى تنێدا چێدبيت فەرە ئەڤ كراسە بێتە چارەسەركرن ئەو ژى ب خۆ راگرتنێ و بريارێت بنەجه وەرگرى دێ ئامادەبى و دێ بەرگريا نڤستنێ كەى، و كاربكە هەر گاڤا خەوا تە هات جهێ خۆ بگوهۆرى، چونكى پێغەمبەر (سلاڤێت خودێ لێ بن) د راستا ويدا يێ رۆژا ئەينى خەوا وى ل مزگەفتێ دهێت شيرەت دكەت جهێ خۆ بگوهوريت (إذا نَعَسَ أحدكم في الْمَسْجِدِ يوم الْجُمُعَة فَلْيتَحَوَّلْ من مَجْلِسِهِ ذلك إلى غَيْرهِ) هەلبەت ئەڤ حەديسە ئيمام ئەحمەد و ئبن خوزەيمە و ترمزى و ئەبو داوود و حاكمى ڤەگێرايە، و خودێ چێتر دزانيت.
