ب / ژن كار بكەت دلێ زەلامێ خۆ بۆ خۆ بكێشيت و ب خۆڤە گرێدەت و بەرێ وى ژ دەرڤە و حەرامى بگريت تشتەكێ باشە و جوانە و دڤێت وەبكەت. و پێغەمبەرى (سلاڤێت خودێ لێ بن) بەرێ زەلامان يێ دايە هندێ ڤان رەنگێ ژنان هەلبژێرن، دبێژيت: (تزوجوا الودود) و وەدوود ئەوە يا خۆ ل بەر زەلامێ خۆ شرين دكەت، بەلێ ب رێكێت دورست: دلێ وى نەهێليت، خۆ بۆ بخەملينيت و جوانكەت و گوهداريا وى بكەت و ب ئاخفتنا شرين دلڤەكەر دگەل باخڤيت، نە رێكێت حەرام و نەدورست بگريت، ژ وان رێكا: رێكا خيڤزانك و سێربەندان بگريت، ئەڤە يا حەرامە و نەيا دورستە، و پێغەمبەرى (سلاڤێت خودێ لێ بن) چۆنا دەف سێربەندى بۆ كرينا دلێ زەلامى بەرامبەرى شركێ دانايە، دبێژيت: (إِنَّ الرُّقَى وَالتَّمَائِمَ وَالتِّوَلَە شِرْكٌ) پێڤەخواندنا نەدورست و نڤشتۆك و شيرنكرنا ژنێ ب رێكا سێربەندان شركە، و خودێ چێتر دزانيت.
