ب/ چۆنا دەستێ ئێكدوو د ناڤبەرا زەلام و ژناندا وەكى ئێكە، كا چاوا سونەتە زەلام بچنە دەستێ ئێكدوو وەسا سونەتە ژن ژى بچنە دەستێ ئێكدوو، پێغەمبەر (سلاڤێت خودێ لێ بن) هەروەكى ئەبو داوود ژ بەرائێ كورێ عازبى (خودێ ژێ رازی بیت)، ڤەدگێريت، دبێژيت: (ما مِنْ مُسْلِمْيِن يلْتَقِيانِ فَيتَصافَحَانِ إلا غُفر لَهما قبل أن يفترقا) نينە دوو موسلمان بگەهنە ئێك، و بچنە دەستێت ئێك و دوو، هەكە خودێ گونەهێت وان ژێ نەبەت بەرى ژێكڤە ببن. و د ڤەگێرەكا دى يا ئەبو داووديدا هەر ژ بەرائێ كورێ عازبى (خودێ ژێ رازی بیت)، دبێژيت: (إذا الْتَقَى الْمُسْلِمَانِ فَتَصَافَحَا وَحَمِدَا اللَّهَ عز وجل وَاسْتَغْفَرَاهُ غُفِرَ لَهُمَا) هەكە دوو موسلمان گەهشتنە ئێك، و چۆنە دەستێت ئێك و دوو و حەمدا خودێ كرن و داخوازا گونەهژێبرنێ كرن خودێ دێ گونەهێت وان ژێ بەت. و ئەڤ حەديسە ژ زەلام و ژنان دگريت، بەلێ زەلام دگەل زەلامان و ژن دگەل ژنان، و خودێ چێتر دزانيت.
