ب / نەخێر.. مەخسەد ئەو نينە، دبيت د ئێك دەمدا پتر ژ كورەكى كچەكێ بخوازن بەلێ كچێ يان مالا وان ئاخفتن دگەل كەسێ نەدايە بەلێ هەردەمێ خواست چێ بوو و پێك هاتن هنگى حەرامە ئێك خۆ بكەتە د بەررا و وآ خواستنێ تێك بدەت، ئەڤەيە مەخسەدا حەديسێ. و د ڤێ رامانێدا پتر ژ حەديسەكێ يێت هاتين ژ وان د ڤەگێرا بوخارى و موسلميدا پێغەمبەر (سلاڤێت خودێ لێ بن) دبێژيت: (لا يبِعْ بَعْضكُمْ عَلى بَيْعِ بعْض، ولا يخْطبْ على خِطبە أخِيهِ إلاَّ أنْ يأْذنَ لَهُ) كرين و فرۆتنێ ل سەر كرين و فرۆتنا ئێكدوو نەكەن، و ل سەر خوازگينيا برايێ خۆ نەخوازيت ژبلى ئەو دەستويريێ بۆ بدەت. ئەمما كەسێ هاى ژ يێ دى نەبيت و هەرێك ژ لايێ خۆڤە كچێ بخوازيت بۆ كەسێ گونەه نينە، نە بۆ كچێ و نە بۆ وان كورێت خواستنێ د دەمەكيدا دكەن، بەلگە ل سەر ڤێ چەندێ بوخارى و موسلم ژ فاتيما كچا قەيسى (خودێ ژێ رازی بیت)، ڤەدگێرن، دبێژيت: (أَتيْتُ النبي صَلّى اللهُ عَلَيْهِ وسَلَّم، فقلت: إنَّ أبا الجَهْمِ ومُعاوِية خَطباني ؟ فقال رسول اللَّهِ صَلّى اللهُ عَلَيْهِ وسَلَّم: « أمَّا مُعَاوِيە، فَصُعْلُوكٌ لا مالَ له، وأمَّا أبو الجَهْمِ فلا يضعُ العَصا عنْ عاتِقِهِ) ئەز هاتمە دەف پێغەمبەرێ خودێ (سلاڤێت خودێ لێ بن) من گۆتێ: ئەبو جەهم و موعاويە من دخوازن؟ ئينا پێغەمبەرێ خودێ (سلاڤێت خودێ لێ بن) گۆت: هنديكە موعاويەيە هەژارە چو مال نينە، و هنديكە ئەبو جەهمە دارێ خۆ ل سەر ستۆيێ خۆ نادانيت (ئانكو هەمى دەمان دارێ د دەستيدا و ژنان دقوتيت يان هەر يێ ب وەغەرانڤە و ل مالا خۆ ناروينيتە خوارێ). و د ڤەگێرا موسلميدا هاتيە پێغەمبەرى (سلاڤێت خودێ لێ بن) گۆتێ: ( أنكحي أُسَامَە بن زَيْدٍ) ئانكو: شوي ب كەسێ ژ هەردووكان نەكە. و ئێكێ دى بۆ بەرچاڤكر ئوسامێ كورێ زەيدى(خودێ ژێ رازی بیت)، بۆچى؟! چونكى هەمى بەس ئاخفتن بوو پێكهاتن دورست نەببوو، و خودێ چێتر دزانيت.
