ب / هەركەسێ د ناڤبەرا ژن و مێراندا نەخۆش بكەت وى گونەهەكا گران كر و بێ ئەمريا پێغەمبەرێ خۆشتڤى (سلاڤێت خودێ لێ بن) كر، و كارەك كر پێغەمبەر (سلاڤێت خودێ لێ بن) دبێژيت: يێ وەبكەت نە ژ مەيە. ئەبو داوود ژ ئەبو هورەيرە (خودێ ژێ رازی بیت)، ڤەدگێريت دبێژيت پێغەمبەرى (سلاڤێت خودێ لێ بن) گۆت: (مَنْ خَبَّب زَوْجَە امْريءٍ، أوْ ممْلُوكَهُ، فَلَيْسَ مِنَّا) هەركەسێ ژنا زەلامەكى سەردا ببەت و خراب بكەت، يان كۆلەيێ وى ئەو نە ژ مەيە. ڤێجا ئەڤێت د ناڤبەرا ژن و مێراندا ب خرابى دئاخڤن دڤێت ژ خودێ بترسن و بزانن كارێ وان چەندێ خرابە. پێغەمبەرێ خۆشتڤى (سلاڤێت خودێ لێ بن) د ڤەگێرا ئبن حەبانيدا دبێژيت: (أَلا أُخْبِرُكُمْ بِأَفْضلَ مِنْ دَرَجَە الصِّيامِ وَالْقِيامِ قَالُوا بَلَى يا رَسُولَ اللَّهِ قَالَ إِصْلاحُ ذاتِ الْبَيْنِ وَفَسَادُ ذاتِ الْبَيْنِ هِێ الْحَالِقَە) ئەرێ ئەز يا بخێرتر ژ رۆژيێ و شەڤنڤێژێ بۆ هەوە نەبێژم، گۆتن: بەلێ ئەى پێغەمبەرێ خودێ، گۆت: پێكئينانا خەلكى و خرابكرنا د ناڤبەرا واندا دينتراشە، و خودێ چێتر دزانيت.
