پ / د حەديسەكا دورستدا هاتيە پێغەمبەرێ خۆشتڤى (سلاڤێت خودێ لێ بن) دبێژيت: (طلَبُ الْعِلْمِ فَريضة على كل مُسْلِمٍ) داخوازكرنا زانينێ واجبە ل سەر هەر موسلمانەكى ـ كور بيت، كچ بيت ـ و زانين ل ڤێرێ هەمى زانستان دگريت و بەرى هەمى زانينا، زانينا كاروبارێت دينى، ڤێجا چاوا وەرگرتنا زانينێ ل سەر زەلامى واجبە وەسا ل سەر ژنێ ژى واجبە چ كچ بيت چ يا شويكرى بيت، كەمال بن هەمام زانايەكێ حەنەفيانە دبێژيت: هەكە ئەو پسيارا شەرعى ئەوا ژن هەوجە زەلامێ وێ زانى و بەرسڤا وێ دا.. بۆ وى هەيە نەهێليت ژنا وى بچيتە دەرڤە دەرسا وەرگريت و پسيارێت شەرعى بكەت مادەم ئەو دشێت و شيان هەبن بەرسڤێت وێ يێت شەرعى بدەت، و هەكە نەزانيت نابيت ئەو رێكێ لێ بگريت ئەو پسيارا دينێ خۆ بكەت، و زانايێ ناڤدار يێ عيراقي عبدولكەريم زێدان دبێژيت: بۆ زەلامى نينە نەهێليت ژنا وى بچيت پسيارا دينێ خۆ بكەت و د دينێ خۆدا شارەزا ببيت، و ئەز يێ دگەل ڤێ بۆچۆنێ، چونكى هەوجەييا هەردووكان بۆ شارەزاييا د دينيدا وەكى ئێكە، و خودێ چێتر دزانيت.
