ب / وەكى بەرسڤا بەرى نوكە جهێ نەلێكيێيە د ناڤبەرا واندا يێت مە گۆتين. دويف شافعى و حەنبەليان بەلێ بۆ هەيە و دويف بۆچۆنا حەنەفى و مالكيان بۆ نينە، و ل دەف مالكيان هەكە چۆن يا ئێمن بيت و ترسا رێكێ ل سەر نەبيت بۆ زەلامى نينە وآ ڤەگريت، بەلێ هەكە دێ خرابى ژ سەرەدانا وێ چێبيت وەكى د ناڤبەرا وێ و زەلامێ نەخۆش ببيت چونكى ئەوێت دچيتە دەف پالددەن بۆ هندێ شيرەتێت خرابيێ لێ دكەن وەكى بەرێ وێ ددەنە بێ ئەمريا وى يان بێ ئەمريا خودێ و پێغەمبەرى (سلاڤێت خودێ لێ بن) و دگەل خۆ دبەنە جهێت تێكەليا نەدورست لێ هنگى زانا دبێژن: بۆ زەلامێ وێ هەيە نەهێليت ئەو بچيت و نابيت ئەو ژى بێ دەستويريا زەلامێ خۆ دەركەڤيت و سەرا وان بدەت، و خودێ چێتر دزانيت.
