ب / مال مالا زەلاميە و دڤێت رێز لێ بێتەگرتن، نەهەركەسێ هەبيت رآ بۆ بێتە دان بێتە مالا وى، و فەرە ژن دەستويريێ ژ زەلامێ خۆ وەرگريت بێژتێ تە كى دڤێت رێك بۆ بێتە دان و كى تە نەڤێت رێك بۆ بێتە دان؛ دا بزانيت دێ چاوا سەرەدەريێ كەت و كا دێ رێكێ دەتە كێ و نادەتە كێ، ئەڤە ژ هەميێ باشترە، بەلێ ئەرێ بۆ زەلامى هەيە نەهێليت دايبابێت ژنێ و خويشك و برايێت وێ سەرا وێ بدەن چونكى مالا ويە و پێغەمبەرى (سلاڤێت خودێ لێ بن) يا گۆتى: نەدورستە بۆ ژنێ دەستويريا كەسێ بۆ مالا وى بدەت، ب دەستويريا وى نەبيت. ئەڤە جهێ نەلێكيێيە د ناڤبەرا زاناياندا: ل دەف حەنەفيان هەردوو بۆچۆن هاتينە.. بۆ هەيە، و گۆتنەكا دى بۆ نينە ئەو دايبابێت وێ ژ سەرەدانا وێ ڤەگێريت. و ل دەف مالكيان بۆ زەلامى نينە دايبابێت وێ و عەيالێ وێ ژ زەلامەكێ دى و خويشك و برايێت وێ يێت دايبابى ڤەگريت ژ سەرەدانا وێ. و ئەز ڤێ بۆچۆنێ دورستتر و ب هێزتر ددانم، ژبلى هەكە د هاتن و سەرەدانا واندا نەخۆشى تێدا هەبيت، وەكى: بەرێ وآ بدەنە خرابيێ و د ناڤبەرا وێ و زەلامێ وێدا نەخۆشكەن، و خودێ چێتر دزانيت.
