ب / زانا دبێژن: سيلەت رەحم.. ئەوە هندى مرۆڤى شيان هەبن خێرێ و باشيێ بگەهينيتە مرۆڤێت خۆ، و ئەڤە بەس نينە، و دڤێت هندى بشێت خرابيێ ژ وان بدەتە پاش، و دڤێت ئەم بزانين خێر و باشى ئەوە يا موسلمانەتيێ وەسا دانايى، نە يا تو وەسا دبينى، و خرابى ئەوە يا موسلمانەتيێ خرابى دانايي، نە يا تو وەسا دبينى، چونكى دبيت پيڤەرێ تە يێ خەلەت بيت، باشيێ خرابى ببينيت، يان بەروڤاژى، و سيلەت رەحم ئەو نينە هەكە ئەو د باش بن تو ژى يێ باش بى، و هەكە د خراب بن تو ژى يێ خراب بى، بەلكى سيلەت رەحم ئەوە تو يێ باش بى ئەو د خراب بن، يان د باش بن و خرابيا وان تە ژ باشيكرنا وان نەدەتە پاش، و دڤێت تو بێهنا خۆ ل سەر خرابيا وان فرەهكەى بەرێ خۆ بدێ كا پێغەمبەر س دڤەگێرا بوخاريدا ژ عەبدوللايێ كورێ عەمرێ كورێ عاصى خودێ ژ هەردوويان رازى بيت چ دبێژيت: (لَيْسَ الْواصِلُ بِالمُكافئ وَلكِنَّ الواصِلَ الَّذي إِذا قَطعتْ رَحِمُهُ وصلَهَا) يێ بۆ مرۆڤانيێ باش نەئەوە يێ قەنجى و باشيێ ل جهى بدانيت، بەلێ يێ بۆ مرۆڤانيێ باش ئەوە هەكە مرۆڤێت وى بۆ يێت خراب بن و ئەو بۆ وان هەر يێ باش بيت.
و قەتيعەت رەحم ئەوە تو باشيێ دگەل مرۆڤێت خۆ نەكەى و باشيێ نەكەهينيە وان، و بەس نينە تو بێژى ئەز خرابيێ ناگەهينمێ، دڤێت ـ ل دويف شيانێت خۆ ـ تو خرابيێ نەگەهينيێ و خرابيێ ژ وان بدەيە پاش و دەستێ هاريكاريێ بۆ درێژكەى و هندى بشێى باشيێ دگەل وان بكەى، و خودێ چێتر دزانيت.
