ب / بابێ تە بەرپرسە ژ خودانكرنا تە هندى تە شيانێت شۆلى نەبن، و نەشێى ژيارا خۆ بەردەست بكەى، و بەرپرسە خوارنا تە بدەتە تە، و جلكێ تە و ل دويف شيانێت خۆ بكەتە بەر تە، چونكى خودێ مەزن دبێژيت: ((لِيُنْفِقْ ذُو سَعَةٍ مِنْ سَعَتِهِ وَمَنْ قُدِرَ عَلَيْهِ رِزْقُهُ فَلْيُنْفِقْ مِمَّا آتَاهُ اللَّه)) يێ زەنگين بلا ل دويف زەنگينيا خۆ بمەزێخيت، و يێ دەست تەنگ بلا ئەو ژى ژ وى رزقێ خودێ دايێ بمەزێخيت، و خودێ ژ وى پێڤەتر ژ مرۆڤى ناخوازيت يێ دايە مرۆڤى، و پشتى تەنگاڤيێ خودێ دێ بەرفرەهيێ دەت. و ل سەر وى واجب نينە ئەو پارا بدەتە تە؛ نە بۆ پێدڤيان دا تو بدەيە تشتێت نەپێدڤى و سەرەكى. و دزينا تە ژ مالێ دووجاركى خەلەتيە، جارەكێ: دزيە، و دزى ژى ژ گونەهێت مەزنە. جارا دووێ: خيانەتكرنە، چونكى مالا تە پارێ خۆ ژ تە نەڤەشارتيە و باوەريا خۆ يا دايە تە و ژ تە د پشتراستن، تو رابى ڤێ باوەريێ بشكێنى و دزيێ ژ وان بكەى.. ئەڤە نە بەس تە دزيكر، بەلكى تە خيانەت ژى كر. پێغەمبەرێ خۆشتڤى (سلاڤێت خودێ لێ بن) د ڤەگێرا بوخارى و موسلميدا ژ ئەبو هورەيرە دبێژيت: (آية المُنَافِقِ ثلاث: إذا حَدَّث كَذب، وإذا وَعدَ أخلَف، وإذا اؤتُمِنِ خَانَ) و د ڤەگێرا موسلميدا ئەڤ زێدەييە هاتيە: (وإنْ صَامَ وصَلَّى وزعم أَنَّهُ مسلِمٌ) نيشانا دووروى سێنە: هەكە ئاخفت درەوكر، و هەكە ژڤان دا ب جه نەئينا، و هەكە باوەرى پێ هاتە ئينان خيانەتكر، و د ريوايەتەكا موسلميدا ئەڤ زێدەييە هاتيە: خۆ هەكە رۆژيان بگريت و نڤێژان بكەت و خۆ موسلمان بدانيت. ڤێجا هشياربە تو يێ دوو گونەهان دكەى، و خودێ چێتر دزانيت.
