ب / دەمێ تۆبەكرى و موسلمان بووى.. ئەڤە چو گونەه ل سەر نەمان، چونكى ئيسلام يا بەرى خۆ پويچ دكەت. د راستا ڤێ چەندێدا پێغەمبەر (سلاڤێت خودێ لێ بن) دبێژيت: ((الاسلام يجب ماقبله)) ئيسلام يا بەرى خۆ پويچ دكەت. و هەر گاڤا پشتى ئاشكراكرنا ئيسلاما خۆ شەهيد بوو، ئەڤە دێ چيتە بەحەشتێ و بلا ژبلى جيهادێ چو كارێت دى يێت باش ژى نەكربن، و دڤێت ئەم ژبير نەكەين ژى ما كارەك ژ جيهادێ و خۆگۆريكرنا د رێكا خودێدا باشتر هەيە؟ پێغەمبەر (سلاڤێت خودێ لێ بن) دبێژيت: ((ذروە سنام الاسلام الجهاد)) جيهاد سەرێ ئەحكام و فەرمانێت ئيسلامێيە، و ئەڤ حالە د ديرۆكا ئيسلامێدا دوو جاران يا رويداى. غەزوا خەيبەرێ و غەزوا ئوحودێ، د غەزوا ئوحودێدا ناڤێ ئێكى عومەرێ كورێ سابتى بوو د گۆتنێ ئوسيرم، موسلمان هەر دمانە پێڤە موسلمان ببيت، موسلمان نەدبوو، رۆژا ئوحودێ پشتى موسلمان ناف تەرمان گەرياين ئەڤ مرۆڤە ديت و يێ د سەكەراتێدا، گوهشين وەختێ ئەو ديتى، ئينا گۆتنێ ئەرێ ژ زكئێشان ل سەر ملەتێ خۆ تو هاتى، يان ژى ژبۆ ئيسلامێ، گۆت: ژبۆ ئيسلامێ من باوەريا ب خودێ ئينايى پاشى من جيهاد يا دگەل پێغەمبەرى (سلاڤێت خودێ لێ بن) كرى هەتا ئەڤە هاتيە سەرێ من يا هوين دبينن. و پاشى مر، ئينا وان بەحسێ وى بۆ پێغەمبەرى (سلاڤێت خودێ لێ بن) كر. پێغەمبەرى(سلاڤێت خودێ لێ بن) گۆت: ئەو بەحەشتيە، ئەبو هورەيرە دبێژيت: وى نڤێژەك ژى بۆ خودێ نەكريە، و خودێ چێتر دزانيت.
