ب / ب راستى چو نيشان و دەليل نينن بێژين ئەڤە حەرامە، بەلێ موخالفى ئاداب و رەوشتانە، و قورئانێ ئەمرێ مە يێ كرى ئەم دگەل دەيبابان د باش بين، و باشيا دگەل دەيبابان ژى وەكى زانا دبێژن ب ڤى رەنگيە: تو وى تشتى د دەرهەقێ واندا نەكەى و نەبێژيێ يێ پێ دئێشن، و تو ب وى تشتى رابى و بێژيێ يێ پێ خۆش دبن، و مسۆگەر ب ناڤى گازى وان بكەن وان پێ نەخۆشە، ڤێجا واجبە ئەم خۆ ژ وى تشتى بدەينە پاش ئەوێ پێ نەخۆش بن. پاشى قورئان نيشا مە ددەت خۆ دەيباب د چەوا بن حەقێ وانە ئەم ب ناڤێ وان، گازى وان نەكەين. ئەڤە ئيبراهيمە (سلاڤێت خودێ لێ بن) دگەل كو بابێ وى دگەل وى يێ خراب بوو ژى و دژمناتيا وى دكر، بەلێ هەر دگۆتێ ((يا أبتي))، هەكە ئەڤە نەحەقێ وى با.. ب ڤى رەنگى گازى نەدكرێ، باشە هەكە ئەڤە دگەل بابێ موشرك! پا تو چ دبێژى دگەل بابێ موسلمان، و دڤێت بزانين مافێ دەيبابانە ئەم جوانترين تشت گازى كەين، و خودێ چێتر دزانيت.
