ب / ئەو حەريرێ پێغەمبەرى (سلاڤێت خودێ لێ بن) حەرامكرى ئەوە يێ خۆرستى و سروشتى ئەوێ خۆسەر حەرير، و ئەڤ حەريرە بۆ ژنان دورستە، بۆ زەلامان نەدورستە و نابيت زەلام بچيتە ناف تايبەتمەنديێت ژنێ، و ئەو قوماشێ ئەڤرۆ د سويكێدا دبێژنێ حەرير، ئەرێ ب دورستى حەريرە يان هەر ناڤێ وى ئەوە و بەس، هەكە نەحەرير بيت، بەس چونكى يێ نەرمە ژبەر هندێ دبێژنێ حەرير، هينگێ ئەو نەيێ حەرامە و دورستە، چونكى ئەڤرۆ گەلەك قوماش يێت هەين و هەر ئێك ژبەر ئەگەرەكى ناڤەك دانايە سەر (موستەشار، رۆندك، گليزانك، و حەرير و گەلەك ناڤێت دى)، بەلێ ئەڤ ناڤە راستيا ڤى پەرۆكى ناگوهۆريت. هەروەكى تو بێژيە مرۆڤەكى شێرە ئەو ب خۆ ژبەر زيرەكيا وى دبێژنێ شێر. ڤێجا ناڤێ وى پەرۆكى ژى يێ كريە حەرير، چونكى وەكى حەريرى يێ نەرمە هەكە ئەو ب خۆ نەحەريرە، و خودێ چێتر دزانيت.
