ب / ب راستى ئەڤە پسيارەكا بەركەفتيە، و ب راستى موسلمانەتى ژ ڤان مرۆڤان يا دويرە يان ئەو ژ ئيسلاما راست و دورست يێت دويرن، و ئەڤەنە وێنێ ئيسلامێ كرێت دكەن، و ئەڤە دوجاركى د گونەهكارن، جارەكێ: چونكى عەدالەت نەكر، جارا دووێ: ب ڤێ كرياري دينێ ئيسلامێ كرێت كر، و بوونە نموونەيێت خراب، كو خەلك نەكاميا خۆ ئێكجارى ل فرەژنيێ بكەت، چونكى ئەو جهئينانا ڤان مرۆڤێت خراب دبينن، و پێغەمبەر (سلاڤێت خودێ لێ بن) د راستا ڤاندا دبێژيت: (من كانت له امْرَأَتَانِ فَمَالَ إلا إِحْدَاهُمَا جاء يوم الْقِيامَە وَشِقُّهُ مَائِلٌ) ئەو كەسێ عەدالەت د ناڤبەرا ژنێت خۆدا نەكربيت، رۆژا قيامەتێ دێ ئێت و يێ دوكەرە و هەمى دێ زانن كا گونەها ڤى چيە. و خودێ مەزن فرەژنى دورست نەكريە ب مەرجەكى نەبيت، و هەكە ئەو مەرج پەيدا نەبوو هينگێ ژنا دووێ بينيت نەدورستە، لەوا خودێ مەزن دبێژيت: ((فَإِنْ خِفْتُمْ أَلَّا تَعْدِلُوا فَوَاحِدَةً)) هەكە هوين ترسيان عەدالەتێ د ناڤبەرا ژناندا نەكەن دڤێت ئێك ژن بيت، و خودێ چێتر دزانيت.
