ب / سونەت نەبەس ئەڤەيە دوو ركاعەت بێنەكرن، بەلكى سونەت ئەوە ئەم رێكا پێغەمبەرى (سلاڤێت خودێ لێ بن) د هەمى خێراندا بكەين، و دەمێ خودێ مەزن ئەمرێ مە كرى ئەم چاڤ ل پێغەمبەرى بكەين و بۆ خۆ بكەينە جهێ چاڤلێكرنێ ((لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ)) مەخسەد پێ د هەمى تشتاندا، و هەكە تە دەرفەت نەبوو قورئانێ بخوينى يان ژى نڤێژەكا سونەت بكەى.. ب دەهان دەرگەهێت دى يێت خێرێ يێت هەين ب رێكێڤە زكرێ خودێ بكە، دگەل هەڤالان ئاخفتنەكا نەرم و شرين و جوان و يا خێرێ بكە، دينێ ئيسلامێ د چاڤێت خەلكيدا جوانكە، نموونەيەكێ باشبە بۆ ئيسلامێ، تشتەكى د رێكێدا راكە، سلاڤكرن و سلاڤ وەرگرتنەكا باش بكە، ژ مال نەدەركەڤە هەكە پێ راستێ نەهاڤێژى و دوعايا دەركەفتنێ نەبێژى، د شۆلێ خۆدا يێ دلسۆز و بنەجه بە، و ئەمين بە و يێ دوير بە ژ تەخسيريێ، ب دورستى ب بەرپرسياريا خۆ رابە، ئەڤە هەمى تاعەت و عيبادەتە، و چو شك تێدا نينە كارێ حەلال و گەريانا دويف رزقێ حەلال عيبادەتە، و هەمى كار ب ئنيەتێڤە د گرێداينە، هەروەكى پێغەمبەر (سلاڤێت خودێ لێ بن) دبێژيت: (انما الاعمال بالنيات) ، و خودێ چێتر دزانيت.
